SADHU DHARSHANAM സാധു ദർശനം

ഓരോ ജന്മനാളിന്റെയും പ്രത്യേകതകൾ അശ്വതി നക്ഷത്രത്തില്‍ ജനിക്കുന്നവര്‍ ബുദ്ധിയും ധൈര്യവും ഉള്ളവരായും സുന്ദരരായും എല്ലാവര്‍ക്കും പ്രിയരായും അമ്മയ്‌ക്ക് ആണ്‍മക്കളില്‍ മൂത്തവനായും വിദ്യയെ അറിയുന്നവനായും ഭവിക്കും. ആരേയും വശീകരിക്കുന്ന ശരീരപ്രകൃതിയും അലങ്കാരങ്ങളോടുള്ള ആഭിമുഖ്യവും ഇവരെ ശ്രദ്ധേയരാക്കുന്നു. ഭാവനാ ശാലിത്വത്തേക്കാളേറെ യുക്‌തിചിന്തയുള്ളതുകൊണ്ടാകും ഇക്കൂട്ടര്‍ കലാരംഗത്ത്‌ ഉറച്ച്‌ നില്‌ക്കുന്നതായി കാണാറില്ല. പ്രേമകാര്യങ്ങളില്‍ ചാഞ്ചല്യം കാണിക്കുന്ന ഇവര്‍ വിജ്ഞാന സമ്പാദനത്തിന്‌ മുന്‍ഗണന നല്‍കും. സേവനശീലം ഇവരില്‍ പ്രത്യക്ഷമായിരിക്കും. സ്‌ത്രീകള്‍ക്ക്‌ സൗന്ദര്യം ,  പുത്രസമ്പത്ത്‌ ,  സുഖം ,  ശുചിത്വം തുടങ്ങിയവയാല്‍ അനുഗൃഹീതരായിരിക്കും. ഭരണി: ഭരണി നക്ഷത്രത്തില്‍ ജനിക്കുന്നവര്‍ ശാന്തരായും സത്യവാദിയായും സ്‌ത്രീസക്തരായും സുഖവും മാന്യതയും ധീരതയും ഉള്ളവരായും ദീര്‍ഘായുസ്സുള്ളവരായും പുത്രന്മാര്‍ കുറഞ്ഞവരായും ഭവിക്കും. ലക്ഷ്യം നേടുന്നതിന്‌ എത്രത്തോളം പോകാനും ഇവര്‍ ഒരുക്കമായിരിക്കും. സാമ്പത്തിക ഉയര്‍ച്ച പ്രാപിക്കുമെങ്കിലും പരിശ്രമത്തിനനുസരിച്ച്‌ വിജയിക്കണമെന്നില്ല. കലാപ്രേമികളെങ്ക

ശത്രുദോഷം, രക്ഷ, കാര്യസാധ്യം അങ്ങനെ പല കർമങ്ങൾക്കായി വിധിപ്രകാരം തയാറാക്കിയ യന്ത്രങ്ങൾ സ്ഥാപിക്കുകയും ധരിക്കുകയും ചെയ്യുന്ന രീതി പ്രാചീന കാലം മുതലേയുണ്ട്. സ്വർണം, വെള്ളി, ചെമ്പ് എന്നീ ലോഹങ്ങളിലാണ് പൊതുവേ യന്ത്രങ്ങൾ തയാറാക്കുന്നത്. ആഗ്രഹിക്കുന്ന കാര്യം, അതിനായി ആശ്രയിക്കുന്ന ദേവതാ സങ്കൽപം ഇവ അനുസരിച്ച് ഉപയോഗിക്കുന്ന ലോഹത്തിനും മന്ത്രവിധിക്കും വ്യത്യാസമുണ്ട്. യന്ത്രധാരണം എന്തിനു വേണ്ടിയാണെന്നോ അത് ഏത് യന്ത്രമാണെന്നോ ഉള്ള വിവരം രഹസ്യമായി സൂക്ഷിക്കണമെന്നാണ് വിധി. യന്ത്രങ്ങൾ പ്രധാനമായും 3 തരമാണ്. വൈഷ്ണവ, ശൈവ, ദേവീ യന്ത്രങ്ങൾ. ശത്രുബാധ, ആഭിചാരദോഷം ഇവ അകറ്റാൻ ഉപയോഗിക്കുന്നതാണ് മഹാസുദർശന യന്ത്രം. ഒരോരുത്തരുടെയും നാളും ദശാസന്ധിയും പരിഗണിച്ചാണ് യന്ത്രം തയാറാക്കുന്നത്. ശത്രുദോഷ ശമനത്തിനും ഗ്രഹപ്പിഴ ശാന്തിക്കുമായി ഉപയോഗിക്കുന്ന ശൈവ യന്ത്രങ്ങളാണ് അഘോരയന്ത്രവും ശരഭയന്ത്രവും. ശത്രുനാശം വരുത്താനുപയോഗിക്കുന്ന ശക്തിയേറിയ ദേവീയന്ത്രങ്ങളാണ് പ്രത്യംഗിരാ യന്ത്രവും വനദുർഗായന്ത്രവും മഹിഷ മർദിനീ യന്ത്രവും. ശത്രുദോഷം മൂലമുള്ള സാമ്പത്തിക പരാജയങ്ങളിൽ നിന്നു കൂടിയുള്ള മോചനത്തിനായി ഉപയോഗിക്കുന്ന യന്ത്രമ

 കഥാകൗതുകം നിദാഘൻ ഋഭു എന്ന പേരിൽ മഹാത്മാവായ ഒരു മഹർഷി ഉണ്ടായിരുന്നു. ബ്രഹ്മപുത്രനാണ് ഋഭു. അദ്ദേഹം ജന്മനാ പരമാർത്ഥതത്ത്വം അറിഞ്ഞ അസാധാരണ പണ്ഡിതനായിരുന്നു.  അദ്ദേഹത്തിൻ്റെ ശിഷ്യനായിരുന്നു പുലസ്ത്യമഹർഷിയുടെ പുത്രനായ നിദാഘൻ. ഋഭുമഹർഷി എത്ര ശ്രമിച്ചിട്ടും നിദാഘന് ബ്രഹ്മബോധം സിദ്ധിച്ചില്ല. അഭ്യസിപ്പിക്കുന്ന വിദ്യ നല്ലപോലെ ഗ്രഹിക്കും. അദ്ധ്യാത്മജ്ഞാനവും നന്നായി ഉണ്ട്. എന്നാൽ അദ്വൈതത്തിൽ വിശ്വാസമില്ല. ദേവികാനദിയുടെ തീരത്ത് വീരനഗരം എന്ന പേരിൽ അതിമനോഹരവും സമ്പൽസമൃദ്ധവുമായ ഒരു നഗരം ഉണ്ടായിരുന്നു. പുലസ്ത്യമഹർഷിയാണ് ആ നഗരം പണിയിച്ചത്. പുത്രനായ നിദാഘന് സസുഖം താമസിക്കുവാനായി പുലസ്ത്യൻ ആ നഗരം വിട്ടുകൊടുത്തു. അങ്ങിനെ നിദാഘൻ അവിടെ വാസം തുടങ്ങി. കുറച്ച് കാലത്തിനുള്ളിൽ ഗുരുകുലവും ഗുരുവിനെയുമെല്ലാം മറന്നു പോവുകയും ചെയ്തു. കുറേ വർഷങ്ങൾക്ക് ശേഷം ശിഷ്യനെ സന്ദർശിക്കാൻ ഋഭുമഹർഷി ആ നഗരത്തിലെത്തി. അപ്പോൾ നിദാഘൻ്റെ ഗൃഹത്തിൽ വൈശ്വദേവം എന്ന ഹോമം നടത്തുന്ന സന്ദർഭമായിരുന്നു. ഹോമം കഴിഞ്ഞാൽ നൂറ് ബ്രാഹ്മണർക്ക് ഹവിസ്സ് ആഹുതി ചെയ്യണം. അതിന് വേണ്ടി ബ്രാഹ്മണർ പല ദിക്കിൽ നിന്നും വന്നു ചേർന്നിരുന്നു. ഋഭുവും അവരുടെ ഇട

 ഇന്ന്  രാമായണ  പഠനത്തിൽ നമുക്ക് പല കഥാപാത്രങ്ങളെയും വിശദമായി പഠിക്കാം , സുമിത്ര , രാവണൻ , കൗസല്യ , തടാക , ദശരഥൻ ,  മന്ഥര, വിശ്വാമിത്രൻ എന്നിവരെ പരിചയപ്പെടുത്തുന്നു എന്ന് വിചാരിക്കുക. രാമായണത്തിലെ കഥാപത്രങ്ങളെക്കുച്ചുള്ള ചോദ്യത്തിന് ഉത്തരം   പുർണ്ണമായും എഴുതുക അസാദ്ധ്യം തന്നെ. ക്ഷമിക്കുക     നാം മറന്നുകളഞ്ഞ രാമായണത്തിലെ ഊര്‍മിളയെക്കുറിച്ചാണ്  സാധു പറയുന്നത്. .. ആദികാവ്യമാണ്‌ രാമായണം. വാത്മീകി ആദി കവിയും. എത്രവായിച്ചാലും പുതിയ പുതിയ മാനങ്ങള്‍ നല്‍കുന്ന സാഹിത്യകൃതി. ധര്‍മ്മാധര്‍മ്മങ്ങളും കഥാപാത്രങ്ങളുടെ സംമ്പൂര്‍ണതകൊണ്ടും വിസ്‌മയം കൊള്ളിക്കുന്നു. പക്ഷെ, പല ആവര്‍ത്തി വായിച്ചിട്ടും നിരവധി സംശയങ്ങള്‍ ബാക്കി നില്‍ക്കുന്നു. സാധാരണക്കാരന്റെ നിഷ്കളങ്കമായ മനസ്സിലൂടെ രാമായണം വായിക്കുമ്പോൾ  കാണാനാവാത്ത അനവധി സംശയങ്ങളെ ബാക്കി വച്ച്‌ രാമായണകാരന്‍ നമ്മെ ഒന്നാകെ ആശയകുഴപ്പത്തില്‍ തള്ളുന്നു. നീതി കിട്ടാതെ പോയ അനവധിയായ സ്‌ത്രീ കഥാപാത്രങ്ങള്‍ ഇന്നും മനസ്സില്‍ ഒരു നോവായി ശേഷിക്കുന്നു. അവരില്‍ ഒരു പ്രധാനകഥാപാത്രം ഊര്‍മ്മിള തന്നെ. കേന്ദ്ര കഥാപാത്രങ്ങളായ രാമനും സീതയും കൂടെ ലക്ഷ്‌മണനും അവരുടെ ജീവിത

  'ഋണമോചന ശ്രീലക്ഷ്മീ നരസിംഹ സ്‌തോത്രം 18 പ്രാവശ്യം ജപിച്ചാല്‍ തീര്‍ച്ചയായും അത്ഭുത ഫലം ലഭിക്കും. മനുഷ്യര്‍ കടക്കെണിയില്‍ കുടുങ്ങിപ്പോയാല്‍ അത് ചിലന്തിവലയ്ക്കുള്ളില്‍പ്പെട്ട പ്രാണിയുടെ അവസ്ഥപോലെയാകും. ‘താന്‍ പാതി ദൈവം പാതി’ എന്നല്ലേ പ്രമാണം. അതിനാല്‍ സ്വന്തം അദ്ധ്വാനവും ഈശ്വരാനുഗ്രഹവും ഉണ്ടെങ്കിലേതൊരു കടക്കെണിയില്‍നിന്നും വളരെ വേഗം മോചിതരാകാന്‍ സാധിക്കും.ലക്ഷ്മി നരസിംഹമൂര്‍ത്തിയെ മനസ്സില്‍ ധ്യാനിച്ചുകൊണ്ട് നിത്യവും സന്ധ്യനേരത്ത് നിലവിളക്കില്‍ ദീപം അലങ്കരിച്ച്‌ അതിന് മുന്നില്‍ വ്രതശുദ്ധിയോടെയിരുന്ന് ”ഋണമോചന ശ്രീലക്ഷ്മീ നരസിംഹ സ്‌തോത്രം 18 പ്രാവശ്യം ജപിച്ചാല്‍ തീര്‍ച്ചയായും അത്ഭുത ഫലം ലഭിക്കും. ഒരു ഗുരുവില്‍ നിന്നും മന്ത്രം ഉപദേശമായി സ്വീകരിച്ച്‌ ജപിച്ചാല്‍ വളരെ ഉത്തമമാണ്. ജപം ഒരു വ്യാഴാഴ്ച ദിനം ആരംഭിക്കണം. ”ഋണമോചന ശ്രീ ലക്ഷ്മീ നൃസിംഹ സ്‌തോത്രം” 1. ദേവതാ കാര്യസിദ്ധ്യാര്‍ത്ഥം സഭാസ്തംഭ സമുദ്ഭവം ശ്രീനൃസിംഹം മഹാവീരം നമാമി ഋണമുക്തയേ 2. ലക്ഷ്മ്യാ ലിംഗിത വാമാംഗം ഭക്താനാം വരദായകം ശ്രീനൃസിംഹം മഹാവീരം നമാമി ഋണമുക്തയേ 3. ആന്ത്രമാലാധരം ശംഖ ചക്രാബ്ജായുധ ധാരിണം ശ്രീനൃസിംഹം മഹാവീരം നമാമ

മനുഷ്യനും ജീവജാലങ്ങളും ഭൂമിയിൽ ഇല്ലാതിരുന്ന സമയം. ആകാശം, വായു, ഭൂമി, വെള്ളം, തേജസ്, ചിത്തം, ബ്രഹ്മാവ്, വിഷ്ണു രുദ്രൻ, സൂര്യൻ, ചന്ദ്രൻ, നക്ഷത്രങ്ങള്‍ എന്നിവ ഒന്നും ഇല്ലാതിരുന്ന കാലഘട്ടം. ഈ സമയത്താണ് അഞ്ച് മുഖങ്ങളോട് കൂടിയ ആദിവിശ്വകര്‍മ്മാവ് അവതരിക്കുന്നത്. ദേവഗുരുവായ ബൃഹസ്പതിയുടെ അനന്തരവനാണ് വിശ്വകര്‍മ്മാവെന്നും പറയപ്പെടുന്നു. വിശ്വകർമ്മ സങ്കൽപ്പം ശിരസിൽ കിരീടവും ഒരു കൈയിൽ പുസ്തകവും മറ്റുകൈകളിൽ കയറും അളവുകോലും ഇതാണ് വിശ്വകര്‍മ്മിൻ്റെ സങ്കൽപ്പം. 5 മുഖവും 15 കണ്ണും ഉള്ള രൂപമാണ്. സദ്യോജാത മുഖം വെളുത്തതും വാമദേവമുഖം കറുത്തതും അഘോരമുഖം ചുവന്നതും ഈശാന മുഖം നീലയും തല്പ്പുരുഷമുഖം മഞ്ഞയുമാണ്. സ്വർണനിറത്തിലുള്ള ശരീരത്തിൽ 10 കൈകളും കർണകുണ്ഡലങ്ങളും മഞ്ഞ വസ്ത്രം എന്നിവയും, പിന്നെ പുഷ്പമാല, സർപ പൂണൂൽ,രുദ്രാക്ഷമാല, പുലിത്തോൽ, ഉത്തരീയം, പിനാകം, ജപമാല, നാഗം, ശൂലം, താമര, വീണ, ഡമരു, ബാണം, ശംഖ്,ചക്രം എന്നിവയും  വിശ്വകർമ്മാവ്   അണിഞ്ഞിരിക്കുന്നു. ഭഗവാൻ വിശ്വകര്‍മ്മാവ് തൻ്റെ ശരീത്തിൽ നിന്ന് ദേവി ഗായത്രിയെ സൃഷ്ടിച്ചു. ഇവരുടെ പുത്രന്മാരായാാണ്  പഞ്ച ഋഷി ബ്രാഹ്മണർ ജനിച്ചത്. 1.മനു 2.മയന്‍ 3.ത്വഷ്ടാവ് 4.ശില്പി 5.വ

പുരാണത്തിൽ വാസ്തുപുരുഷനെപ്പറ്റി ഒരുപാട് പരാമര്‍ശങ്ങളുണ്ട് .അതിൽ ഒന്ന് ഇവിടെ വിവരിക്കാം .  ദേവാസുരയുദ്ധം നടക്കുന്ന സമയം. അവര്‍ എത്രകാലം യുദ്ധം ചെയ്താലും ആരാണ് ജയിക്കുക എന്ന് പറയാൻ കഴിയില്ല .അത്രക്ക് ശക്തരാണ് രണ്ടു വിഭാഗവും .ആ അവസരത്തിൽ ദേവന്മാരെ രക്ഷിക്കാനായി വിഷ്ണുഭഗവാന്‍ ദേവന്മാരുടെ പക്ഷം ചേർന്നു.അതോടെ യുദ്ധത്തിൽ  അസുരന്മാര്‍ തോറ്റു. എന്നാൽ അസുരന്മാരുടെ ഗുരുവായ ശുക്രാചാര്യര്‍ക്ക് ഇതത്ര രസിച്ചില്ല. അദ്ദേഹം വലിയൊരു ഹോമകുണ്ഡം ഉണ്ടാക്കി ഹോമം തുടങ്ങി. ഓരോ വസ്തുക്കളായി ഹോമിച്ചുഹോമിച്ച് ഒടുവിൽ ആടിനെയും ഹോമിച്ചു. ആടിനെ ഹോമിക്കുന്ന സമയത്ത് ഹോമകുണ്ഡത്തിലേക്ക്  വിയര്‍പ്പുതുള്ളി വീണു. അതിന്റെ ഫലമായി  അഗ്നികുണ്ഡത്തില്‍നിന്ന് ആടിന്റെ മുഖമുള്ള ഒരു ഭൂതം പുറത്തേക്കു വന്നുവെന്നാണ് ഐതിഹ്യം . അതാണ് വാസ്തുപുരുഷന്‍. ശുക്രാചാര്യരുടെ വിയര്‍പ്പില്‍നിന്നും അവതരിച്ചതിനാൽ വാസ്തു പുരുഷനെ ശുക്രാചാര്യരുടെ മകനായി കണക്കാക്കുന്നു. ഒരു തീഗോളം പോലെ പുറത്തുവന്ന ആ രൂപം ശുക്രാചാര്യരോടു ചോദിച്ചത് എന്തിനുവേണ്ടിയാണ് ഞാൻ ജന്മമെടുത്തത് എന്നുംഎന്താണെന്റെ അവതാരോദ്ദേശ്യമെന്നുമാണ്. അതിന് ശുക്രാചാര്യര്‍ കൊടുത്ത മറുപടി  സ

പ്രണാമം, കർമ്മഫലം എന്താണ്? സല്‍കര്‍മ്മം ദുഷ്‌കര്‍മ്മം എന്നിവയുണ്ടോ?  പുനര്‍ജന്മം ശാസ്ത്രീയമാണോ?  കഴിഞ്ഞ ജന്മം ചെയ്ത സല്‍ഫലങ്ങള്‍ക്കും, ദുഷ്ഫലങ്ങള്‍ക്കും ഈ ജന്മത്തില്‍ അനുഭവിക്കേണ്ടിവരുമെന്ന് പറയുന്നത് അന്ധവിശ്വാസമാണോ? ഈ ജന്മത്തില്‍ ഒരു പാപകര്‍മ്മവും ചെയ്യാത്ത ഒരു ശിശു എങ്ങനെ മൂകനും അന്ധനും ബധിരനുമായി ജനിക്കാന്‍ കാരണം? എന്നിങ്ങനെയുള്ള നിരവധി ചോദ്യങ്ങള്‍ സാധാരണക്കാരില്‍നിന്ന് കേള്‍ക്കുന്നത് സ്വാഭാവികം. ഓരോ വ്യക്തിയും മരിച്ചുകഴിഞ്ഞാല്‍ ആ വ്യക്തി ചെയ്ത കര്‍മ്മഫലം മാത്രമാണ് കൂടെക്കൊണ്ടുപോകുന്നത്. തന്റെ കര്‍മ്മഫലം അനുഭവിച്ചു തീര്‍ക്കാന്‍ പറ്റിയ ശരീരത്തെയാണ് പിന്നീട് ആത്മാവ് തിരഞ്ഞെടുക്കുന്നത്. അങ്ങനെ ജന്മജന്മാന്തരമായി ഈ പ്രക്രിയ തുടര്‍ന്നുകൊണ്ടേയിരിക്കുന്നു. കര്‍മ്മഫലം അനുഭവിച്ച് തീരുന്നതുവരെ പുനര്‍ജന്മവും ഉണ്ടാകും.  ഒരാളുടെ മരണം, പുനര്‍ജന്മരീതി എന്നിവയെക്കുറിച്ചുള്ള അറിവ്, ശാസ്ത്രസത്യങ്ങള്‍ എന്നീ കാര്യങ്ങള്‍ ആത്മീയമായി ചിന്തിക്കുന്ന ഏവര്‍ക്കും കൗതുകകരമായിരിക്കും. കര്‍മ്മഫലവും പുനര്‍ജന്മവും ഭാരതീയ ചിന്താധാരകള്‍ക്ക് ആധാരമായ ഗ്രന്ഥങ്ങള്‍, വിശ്വാസങ്ങള്‍, ആചാരവിചാരങ്ങള്‍, സങ്കല്‍പം എ