വിശ്വകർമ്മാവ്

മനുഷ്യനും ജീവജാലങ്ങളും ഭൂമിയിൽ ഇല്ലാതിരുന്ന സമയം. ആകാശം, വായു, ഭൂമി, വെള്ളം, തേജസ്, ചിത്തം, ബ്രഹ്മാവ്, വിഷ്ണു രുദ്രൻ, സൂര്യൻ, ചന്ദ്രൻ, നക്ഷത്രങ്ങള്‍ എന്നിവ ഒന്നും ഇല്ലാതിരുന്ന കാലഘട്ടം. ഈ സമയത്താണ് അഞ്ച് മുഖങ്ങളോട് കൂടിയ ആദിവിശ്വകര്‍മ്മാവ് അവതരിക്കുന്നത്. ദേവഗുരുവായ ബൃഹസ്പതിയുടെ അനന്തരവനാണ് വിശ്വകര്‍മ്മാവെന്നും പറയപ്പെടുന്നു.

വിശ്വകർമ്മ സങ്കൽപ്പം

ശിരസിൽ കിരീടവും ഒരു കൈയിൽ പുസ്തകവും മറ്റുകൈകളിൽ കയറും അളവുകോലും ഇതാണ് വിശ്വകര്‍മ്മിൻ്റെ സങ്കൽപ്പം. 5 മുഖവും 15 കണ്ണും ഉള്ള രൂപമാണ്. സദ്യോജാത മുഖം വെളുത്തതും വാമദേവമുഖം കറുത്തതും അഘോരമുഖം ചുവന്നതും ഈശാന മുഖം നീലയും തല്പ്പുരുഷമുഖം മഞ്ഞയുമാണ്. സ്വർണനിറത്തിലുള്ള ശരീരത്തിൽ 10 കൈകളും കർണകുണ്ഡലങ്ങളും മഞ്ഞ വസ്ത്രം എന്നിവയും, പിന്നെ പുഷ്പമാല, സർപ പൂണൂൽ,രുദ്രാക്ഷമാല, പുലിത്തോൽ, ഉത്തരീയം, പിനാകം, ജപമാല, നാഗം, ശൂലം, താമര, വീണ, ഡമരു, ബാണം, ശംഖ്,ചക്രം എന്നിവയും വിശ്വകർമ്മാവ്  അണിഞ്ഞിരിക്കുന്നു. ഭഗവാൻ വിശ്വകര്‍മ്മാവ് തൻ്റെ ശരീത്തിൽ നിന്ന് ദേവി ഗായത്രിയെ സൃഷ്ടിച്ചു. ഇവരുടെ പുത്രന്മാരായാാണ് 

പഞ്ച ഋഷി ബ്രാഹ്മണർ ജനിച്ചത്.

1.മനു

2.മയന്‍

3.ത്വഷ്ടാവ്

4.ശില്പി

5.വിശ്വജ്നന്‍

ഇവര്‍ പഞ്ച ഋഷി ബ്രാഹ്മണര്‍ എന്നറിയപ്പെടുന്നു.

ഓരോ പുത്രന്മാരും ഓരോ ബ്രഹ്മ ഋഷി ഗോത്രങ്ങളിലാണ്‌ ജനിച്ചത്‌.

മനു സനക ബ്രഹ്മ ഋഷി ഗോത്രത്തിലും

മയന്‍ സനാതന ബ്രഹ്മ ഋഷി ഗോത്രത്തിലും

ത്വഷ്ടാവ് പ്രജ്ഞ്സ ബ്രഹ്മ ഋഷി ഗോത്രത്തിലും

ശില്പി അഭുവന ബ്രഹ്മ ഋഷി ഗോത്രത്തിലും

വിശ്വജ്നന്‍ സുപര്ണ്ണ ബ്രഹ്മ ഋഷി ഗോത്രതിലുമാണ് ജനിച്ചത്‌.

മനു ബ്രഹ്മ 

വിശ്വകര്‍മ്മാവിന്റെ ആദ്യ പുത്രനും ലോകത്തിലെ ആദ്യ മനുഷ്യനും ആദ്യ ഭരണകര്ത്താവും ആണ് മനു. ഇദ്ദേഹത്തിന്റെ ആസ്ഥാനം സരസ്വതി നദിയുടെയും ദ്രുഷദ്വ്തി നദിയുടെയും ഇടയിലുള്ള നഗരമാണന്നു വിശ്വസിക്കുന്നു. ധര്‍മ്മ ശാസ്ത്രത്തിന്റെ രചയിതാവായാ ഇദ്ദേഹത്തിന്റെ സമയത്താണ് ഭഗവാന്‍ വിഷ്ണു തന്റെ അവതാരങ്ങള്‍ തുടങ്ങിയത്.

വളരെ വലിയ വംശ പരമ്പരയാണ് മനുവിന്റെത്. യയാതിയുടെ ഭാര്യയായ ദേവയാനിയും മറ്റും ഈ വംശതിലുള്ളതാണ്. ഇവരുടെ മകനാണ് യദു. യദു വംശം ഉണ്ടായത് ഈ രാജാവില്‍ നിന്നാണ്. അങ്ങനെയെങ്കില്‍ ശ്രീ കൃഷ്ണനും ഈ വംശപരമ്പരയിലെയാണ്.

മയ ബ്രഹ്മ

വിശ്വകര്‍മ്മ ഭഗവാന്റെ രണ്ടാമത്തെ പുത്രനാണ് മയന്‍. ഇദ്ദേഹം മഹാനായ ശില്പിയും, തച്ചു ശാസ്ത്രജനും, ദേവ ശില്പിയുമാണ്. പുരാണങ്ങളില്‍ കാണുന്ന സകല നിര്‍മ്മിതി കളുടെയും ശില്പി മയനാണ്. മയനെ പുരാണങ്ങള്‍ ഒരു അസുരനായാണ് ചിത്രികരിചിരിക്കുന്നത്. മയന്റെ സൃഷ്ടിയില്‍ ത്രിലോകങ്ങള്‍, രാജ്യ സഭകള്‍, വിമാനങ്ങള്‍, പുന്തോട്ടങ്ങള്‍, ശക്തിയേറിയ ആയുധങ്ങള്‍ എന്നിവ ചിലത് മാത്രം.

അമരാവതി (ഇന്ദ്ര ലോകം), വൈകുണ്ഡം, കൈലാസത്തിലെ കല്യാണ മണ്ഡപം, ഇന്ദ്ര സഭ, വരുണ സഭ, കുബേര ലോകം, സത്യാ ലോകം, മയ സഭ എന്നിവ പ്രശസ്തം. മയന്‍ സൃഷ്‌ടിച്ച പ്രശസ്തങ്ങളായ പുന്തോട്ടങ്ങള്‍ ആണ് നന്ദാവനം, ചെയ്ത്രരധ (അളകപുരി), ഖാണ്ടവനം, വൃന്ദാവനം മുതലായവ. മയന്‍ നിര്‍മ്മിച്ച പ്രശസ്ത വിമാനങ്ങള്‍ ആണ് ത്രിപുര വിമാനം, സൌഭാഗ വിമാനം, പുഷ്പക വിമാനം. ഇതില്‍ ത്രിപുര വിമാനം, അസുരന്മാരായ വിദ്യുന്മണിക്കും താരകാക്ഷനും വേണ്ടിയാണ് നിര്‍മ്മിച്ചത്. സൌഭാഗ വിമാനം മറ്റൊരസുരനായ സാലവന്‍ (ശിശുപാലന്റെ അനുജന്‍) വേണ്ടിയാണ് ഇരുമ്പില്‍ നിര്‍മ്മിച്ചത് .

പ്രശസ്തമായ പുഷ്പകവിമാനം കുബേരനുവേണ്ടിയാണ് നിര്‍മ്മിച്ചതെങ്കിലും പിന്നിട് മഹാനായ അസുര രാജാവ് രാവണന്‍ അത് തട്ടിയെടുത്തു.

മയന്‍റെ ഭാര്യയാണ് ഹേമ. മന്ധോദരി, മായാവി, ദുന്ദുഭി എന്നിവരാണ് മക്കള്‍.  മന്ധോദരിയെ രാവണനാണ് വിവാഹം ചെയ്തത്. ദുന്ദുഭിയെ വാനരരാജന്‍ ബാലി വധിച്ചു.

മയന്‍റെ രണ്ടാം ഭാര്യയില്‍ വ്യോമന്‍ എന്ന പുത്രന്‍ ഉണ്ടായിരുന്നു. ശിബി മഹാരാജവിടെ മകളായ ചന്ദ്രമതിയെ വളര്‍ത്തിയതും രാജ ഹരിചന്ദ്രന് വിവാഹം കഴിച്ചുകൊടുത്ത്തതും മയനാണ്.

ത്വഷ്ട ബ്രഹ്മ 

വിശ്വകര്‍മ്മ ഭഗവാന്റെ മൂന്നാമതെ പുത്രനാണ് ത്വഷ്ടവ്. ഇദ്ദേഹം ത്രിലോക ജ്യോതിഷിയും ദേവലോകത്തെ ഭിഷഗ്വരനും ആയിരുന്നു. ത്വഷ്ടവിനു ധാരാളം ശിഷ്യ ഗണനകള്‍ ഉണ്ടായിരുന്നു. ഇതില്‍ രുഭസ് അതി പ്രശസ്തന്‍ ആയിരുന്നു. ത്വഷ്ടാവിന്റെ ഭാര്യ ദിതിയുടെ മകളായ രചനയാണ്. ഇവരുടെ മക്കളാണ് പദ്മകോമള, സനഗ (സപ്ജ്ഞ), വിശ്വരൂപൻ.

പദ്മകോമളയെ വിവാഹം കഴിച്ചത് കശ്യപന്റെ മകനായ ശൂര പദ്മാസുരന്‍ ആണ് .

വിശ്വരൂപന്‍ സുരാചാര്യ (ദേവഗുരു) ആയി. ദേവേന്ദ്രന്റെ അടുത്ത സുഹൃത്തായ ഇദ്ദേഹമാണ് ഇന്ദ്രന് നാരായണ കവചം കൊടുത്തത്. പക്ഷെ പിന്നീട് ഇന്ദ്രനുമായി ശത്രുതയിലാകുകയും, ഇന്ദ്രന്‍ വിശ്വരൂപനെ ചതിയിലൂടെ വധിക്കുകയും ചെയ്തു. ഇതില്‍ ഇന്ദ്രന് ബ്രഹ്മഹത്യ പാപവും ഗുരുദ്രോഹ ശാപവും ലഭിച്ചു.

സനക (സപ്ജ്ഞ) സൂര്യനെ വിവാഹം കഴിച്ചു. ഇതില്‍ മനു, യമന്‍, യമുനാ എന്നുവര്‍ ജനിച്ചു. യമനും യമുനയും ലോകത്തിലെ ആദ്യ ഇരട്ട കുട്ടികളാണ്. യമന്‍ പിതൃ ലോകത്തിന്റെ രാജാവാണ്‌. യമുനാ നദിയായി. മനു ഇദാദേവിയെ വിവാഹം കഴിച്ചു. സൂര്യ വംശം ആരംഭിച്ചു.

സൂര്യന്റെ ചൂട് സഹിക്കാതായപ്പോള്‍ സനക (സപ്ജ്ഞ) തന്റെ നിഴലിനെ സൂര്യനു കൊടുത്ത്, ഒരു കുതിരയായി മേരു പർവ്വതത്തിലേക്ക് പോയി. ഈ നിഴലിനെ (ച്ഛായ) സൂര്യന്‍ ഭാര്യയാക്കി. ഇവരുടെ മക്കളാണ് ശനി. ഇതറിഞ്ഞ ത്വഷ്ടവ് സൂര്യനെ ശപിച്ചു, ശക്തി കുറച്ചു. പിന്നിട് സൂര്യന്‍ കുതിരയായി സനകയുടെ അടുക്കലേക്കു പോയി. കുതിരകളായ സനക സൂര്യകള്‍ക്ക് ഉണ്ടായ ഇരട്ട പുത്രന്മാരാണ് അശ്വനി കുമാരന്മാര്‍. ഇവര്‍ പിന്നിട് അശ്വനി ദേവകള്‍ ആയി.

ദേവാഗ്ന (ശില്പി) ബ്രഹ്മ

വിശ്വകര്‍മ്മ ഭഗവാന്റെ നാലാമത്തെ പുത്രനാണ് ദേവാഗ്ന (ശില്പി) ബ്രഹ്മ. ഇദേഹത്തെ കുറിച്ച് പുരാണങ്ങളില്‍ കൂടുതലായി പരാമര്ശിക്കുന്നില്ല. പകരം നളന്‍, മയന്‍ തുടങ്ങിയ ശില്‍പികള്‍ ആണ് പ്രശസ്തര്‍. 

_വിശ്വഗ്ന ബ്രഹ്മ_ 

വിശ്വകര്‍മ്മ ഭഗവാന്റെ അഞ്ചാമത്തെ പുത്രനാണ് വിശ്വഗ്ന ബ്രഹ്മ. ദേവാസുരന്‍മാരുടെ കനകശില്‍പിയാണ് വിശ്വഗ്ന ബ്രഹ്മ. ഒരിക്കല്‍ ഭൂലോകം തലകീഴായി മറിയുകയുണ്ടായി. ഇതു പരിഹരിക്കാനായി ദേവന്മാര്‍ വിശ്വാഗ്ന ശില്പിയെ സമീപിക്കുകയും, അദേഹം ഭൂമിയില്‍ മേരുപര്‍വതം സൃഷ്ടിച് ഭൂമിയെ ഒരു തുലാസ് പോലെ നിര്‍ത്തി, ഒരു വശത്ത് സസ്യജാലങ്ങളും മറുവശത്ത് ദേവന്‍മാരെയും മഹാ ഋഷികളെയും നിരത്തി. തുലാസ് സമം ആവാന്‍ സസ്യജാലങ്ങള്‍ ഉള്ള വശത്തേക്ക് കയറിയത് അഗസ്ത്യ ഋഷി ആയിരുന്നു. അന്നുമുതല്‍ ആണ് "സകല ഋഷികള്‍ക്കും സമം അഗസ്ത്യ ഋഷി" എന്ന പഴംചൊല്ല് ഉണ്ടായത്.

വേദങ്ങളിൽ വിശ്വകര്‍മ്മാവ് ഇന്ദ്രൻ, മിത്രനൻ, വരുണൻ, അഗ്നി, വിഷ്ണു എന്നിവരുടെ അധിപനായാണ് പറയുന്നത്. എന്നാൽ പുരാണങ്ങളിൽ ശക്തി കുറഞ്ഞ ദേവനായാണ് വിശ്വകര്‍മ്മാവിനെ കണക്കാക്കുന്നത്. കൂടാതെ ദേവന്മാരുടെ ശിൽപിയാണ് വിശ്വകര്‍മ്മാവെന്നും പുരാണങ്ങള്‍ ചൂണ്ടിക്കാട്ടുന്നു. ബ്രഹ്മാവിൻ്റെ മകനാണ് വിശ്വകര്‍മ്മാവെന്ന് വിഷ്ണു പുരാണത്തിൽ പറയുന്നു.
എങ്ങനെ വിശ്വകർമ്മ പൂജ ചെയ്യാം

പ്രപഞ്ച സൃഷ്ടാവായ വിശ്വകർമ്മാവിനെ പൂജിക്കുകയാണെങ്കിൽ വളരെ അനുകൂല സമയം ഉണ്ടാകുമെന്നാണ് വിശ്വാസം. പ്രത്യേകിച്ച് നിർമ്മാണ പ്രവർത്തനങ്ങളിൽ ഏർപ്പെടുന്നവർ വിശ്വകർമ്മ പൂജ അനുഷ്ഠിക്കണം. പൂജയ്ക്ക് മുന്നോടിയായി വിശ്വകർമ്മാവിൻ്റെ വിഗ്രഹം/ചിത്രം ഒരുക്കി വയ്ക്കുക. ആചാര്യന്മാരോട് അഭിപ്രായം തേടി പൂജയ്ക്കുള്ള വസ്തുക്കൾ വാങ്ങുക. ഏറ്റവും വൃത്തിയോടെ പരിപാലിക്കുന്ന സ്ഥലത്ത് മാത്രമേ പൂജ ചെയ്യാവൂ. വിഗ്രഹം കഴുകി വൃത്തായാക്കി കർമ്മിയുടെ ഉപദേശ പ്രകാരം പൂജയിലേക്ക് കടക്കാം. മന്ത്രജപവും, ആരതി ഉഴിയലും വിശ്വകർമ്മ പൂജയിൽ ഉണ്ടാകും.

വിശ്വകർമ്മ പ്രാർത്ഥന

''പഞ്ചവക്ത്രം ജഡാധാരം പഞ്ചാദശ വിലോചനം
സദ്യോജാതാനനം ശ്വേതം വാമദേവം തു കൃഷ്ണകം

അഘോരം രക്തവർണം ച തത്പുരുഷം പീതവർണകം

ഈശാനം ശ്യാമ വർണകം ച ശരീരം ഹേമവർണകം

ദശബാഹും മഹാകായം കർണ്ണകുണ്ഡലശോഭിതം
പീതംബരധരം ദേവം നാഗയജ്ഞോപവീതിനം
രുദ്രാക്ഷമാലബ്ജ നാഗേന്ദ്ര ശൂലായുധ പിനാകിനം
വീണാം ഢമരുകം ബാണം ശങ്ഖ്ചക്രകരന്വിതം
ദേവദേവം മഹാദേവം വിശ്വകർമ്മണമവ്യയം
പ്രാക്ദക്ഷിണ പ്രതിർജ്യോതി ഊർദ്ധ്വവക്ത്രം ജഗത്ഗുരും
നമസ്കരോമ്യഹം ഭക്ത്യാ ഭുക്തിമുക്തി പ്രദായകം''

പൂജ കഴിഞ്ഞ് ഒരു ദിവസം നിലവിളക്ക് തെളിയിച്ച് വിശ്വവിഗ്രഹം സൂക്ഷിക്കുക. പിറ്റേ ദിവസം ഒഴുകുന്ന വെള്ളത്തിൽ വിഗ്രഹം നിമഞ്ജനം ചെയ്യുക. പൂജാ വസ്തുക്കൾ (ദ്രവ്യങ്ങൾ) ഒഴുക്കി കളയുക. വിശ്വകർമ്മ പൂജ നടത്തിയാൽ കർമ്മങ്ങളിലൂടെ വന്നുപോയ പാപങ്ങളിൽ നിന്ന് മുക്തി ലഭിക്കുമെന്നാണ് വിശ്വാസം.

വിവിധ ഗ്രന്ഥങ്ങളിൽ നിന്നും സോഷ്യൽ മീഡിയയിൽ നിന്നും ലഭിച്ച വിവരങ്ങൾ ചേർത്ത് തയ്യാറാക്കിയത്.

സ്വാമി സാധു കൃഷ്ണാനന്ദ സരസ്വതി മഹാരാജ്

മഠാധിപതി

കൃഷ്ണാനന്ദ വേദ ആശ്രമം

പെരിയമ്പലം

തൃശ്ശൂർ ജില്ല .

9061971227

92O7971227

സന്യാസ ആശ്രമത്തിൻ്റെ സേവനമേഖലകളെ സഹായിക്കാൻ നിങ്ങൾക്കു സന്മനസ്സുണ്ടെങ്കിൽ മാസംതോറും 100/200/അതിനു മുകളിലോ ഉള്ള തുക  അയച്ച് സഹായിക്കാവുന്നതാണ്.

അക്കൗണ്ട് നമ്പർ:

Swami Sadhu krishnanandha Saraswathy 

SBl Pattambi branch 

A/c : 37707148920

IFSC : SBIN0070186.

Google Pay: 90 61 97 12 27