അഖാഡകൾ എന്ത്? വിശ്വബ്രാഹ്മണരുമായി എന്താണ് ബന്ധം?

പ്രയാഗ്‌രാജിൽ 122 മഹാകുംഭങ്ങൾക്കും 123 കുംഭപർവങ്ങൾക്കും സാക്ഷ്യം വഹിച്ചിട്ടുള്ള ഭാരതത്തിലെ ഏറ്റവും പുരാതനമായ ശ്രീ പഞ്ചദശനാം ആവാഹൻ അഖാഡയുടെ ദക്ഷിണ ഭാരതത്തിലേക്കുള്ള പ്രവേശനം മഹാ മണ്ഡലേശ്വർ സ്വാമി പ്രഭാകരാനന്ദ സരസ്വതി മഹാരാജിലൂടെ സാധിച്ചിരിക്കുന്നു. 

ആദി ശങ്കര അദ്വൈത അഖാഡയുടെയും, സംസ്ഥാന സന്യാസി സഭയുടേയും അദ്ധ്യക്ഷനായ സ്വാമി പ്രഭാകരാനന്ദ സരസ്വതി മഹാരാജ് ഇതിനോടകം 180 പേർക്ക് സന്യാസദീക്ഷ നൽകിക്കഴിഞ്ഞു. മൂന്നൂറ്റി അറുപതിലേറെ ചണ്ഡികാ യജ്ഞങ്ങളും, ശ്രീ രുദ്രയജ്ഞങ്ങളും നടത്തി ജാതി രാഷ്ട്രീയ വേർതിരിവില്ലാതെ പ്രവർത്തിക്കുന്ന പ്രഭാകരാനന്ദ സ്വാമിയെ അഖിൽ ഭാരതീയ സന്ത് സമിതി മുഖ്യ നിർദ്ദേശകൻ പൂജനീയ ശ്രീമഹന്ത് ജ്ഞാനദേവ് സിംഗ്ജി യുടെ അനുമതിയോടെ സന്ത് സമിതി അദ്ധ്യക്ഷൻ പരമപൂജനീയ സപ്തമകുവേര ആചാര്യശ്രീ അവിചൽദാസ് ജിയുടെ ആജ്ഞ അനുസരിച്ച് കാഞ്ഞങ്ങാട് ആനന്ദാശ്രമം മഠാധിപതി പൂജനീയ സ്വാമി മുക്താനന്ദ ജി മഹാരാജ്  ഉദ്ഘാടനം ചെയ്ത അഖിൽ ഭാരതീയ സന്ത് സമിതിയുടെ സന്യാസി സഭയിൽ വച്ച് സമിതി ദേശീയ ജനറൽ സെക്രട്ടറിയും, കാശി ശങ്കരമഠം ഉത്തരാധികാരിയുമായ സംപൂജ്യ ദണ്ഡിസ്വാമി HH സ്വാമി ജിതേന്ദ്രാനന്ദ സരസ്വതി മഹാരാജ്, ദക്ഷിണ ഭാരത ഓർഗ്ഗനൈസിങ് സെക്രട്ടറി സംപൂജ്യ സ്വാമി ശ്രദ്ധാനന്ദ സരസ്വതി മഹാരാജും (ഒറീസ്സ സ്വാമി) ചേർന്ന് കേരള തമിഴ്നാട് കർണ്ണാടക എന്നീ സംസ്ഥാനങ്ങൾക്കു വേണ്ടി കേരളം ആസ്ഥാനമായി പ്രവർത്തിക്കുന്ന ആദ്യത്തെ  ദക്ഷിണ മഹാമണ്ഡലേശ്വറായി പ്രഖ്യാപിച്ചു. ഒപ്പം പെരിയ ഓം ശ്രീ മഠത്തിലെ സ്വാമി വിദ്യാനന്ദ സരസ്വതി മഹാരാജിനേയും മഹാമണ്ഡലേശ്വറായി   17-05-2023 ന് പ്രഖ്യാപിച്ച് 05-6-2023 ന് രേഖാമൂലം ഉത്തരവും നൽകിയിരിക്കുന്നു. കാഞ്ഞങ്ങാട് പെരിയ ഓം ശ്രീ മഠത്തിൽ വച്ച് നടന്ന കേരള കർണ്ണാടക തമിഴ്നാട് സംസ്ഥാനങ്ങളിലെ സന്യാസി സംഗമത്തിൽ വച്ചായിരുന്നു പ്രഖ്യാപനം.

പിന്നീട് അഖാഡകളിലെ ഏറ്റവും പുരാതനമായ ശ്രീ പഞ്ചദശനാമി ആവാഹൻ അഖാഡ നവരാത്രി മഹോത്സവത്തിൽ വച്ചും പ്രവിലേജ് അനുസരിച്ച് ദക്ഷിണഭാരതത്തിലെ മഹാമണ്ഡലേശ്വർ മണ്ഡൽമഹേശ്വർ ആയി പ്രഖ്യാപിച്ചു. 

പ്രയാഗ്, ഹരിദ്വാർ, ഉജ്ജയിൻ, നാസിക് എന്നിവിടങ്ങളിൽ സംഘടിപ്പിച്ചിരുന്ന കുംഭമേളകളിലാണ് അഖാഡകളുടെ (സംസ്കാര വിഭാഗങ്ങൾ) ഉത്ഭവം. ഹിന്ദു മതത്തിൽ, അഖാഡകൾക്ക് അവരുടേതായ പ്രാധാന്യമുണ്ട്, അവ സനാതന ധർമ്മത്തിന്റെ അവിഭാജ്യ ഘടകമാണ്.

വിശാലമായി പറഞ്ഞാൽ, നിർബന്ധിത മതപരിവർത്തനത്തിൽ നിന്ന് ഹിന്ദുക്കളെ സംരക്ഷിക്കുന്നതിനും ഇന്ത്യൻ പാരമ്പര്യമനുസരിച്ച് വൈദിക മതത്തിലേക്ക് പുതിയ ജീവൻ പകരുന്നതിനുമായി ആദി ശങ്കരാചാര്യർ സ്ഥാപിച്ച 'സന്യാസിമാരുടെ' ഏഴ് ദശനാമി അഖാഡകളുണ്ട്.

അഖാഡകളെ താഴെ പറയുന്ന വിഭാഗങ്ങളായി തിരിച്ചിരിക്കുന്നു:

ശൈവ അഖാഡകൾ: ഇവർ ശിവന്റെ അനുയായികളാണ്, ചിലർ വിഷ്ണുവിനെ ബഹുമാനിക്കുന്നുമുണ്ട്. ഇവരിൽ ചിലർ നാഗന്മാർ എന്നും അറിയപ്പെടുന്നു. ബ്രഹ്മചര്യത്തിനും ഭൗതിക സ്വത്തുക്കളുടെ ത്യാഗത്തിനും പേരുകേട്ടവരാണ് ഇവർ, സനാതന ധർമ്മ സംസ്കാര സംരക്ഷണത്തിനായി ആയുധങ്ങൾ ഉപയോഗിക്കുന്നതിൽ വൈദഗ്ദ്ധ്യമുള്ളവരുമാണ് ഇവർ. നാഗന്മാർ വളരെ കഠിന ജീവിതം നയിക്കുന്നവരും പലപ്പോഴും നഗ്നരുമായിരിക്കും. ശൈവ വിഭാഗങ്ങളെ ദശനാമി അഖാഡകൾ എന്ന് വിളിക്കുന്ന കൂടുതൽ ഗ്രൂപ്പുകളായി അല്ലെങ്കിൽ അഖാഡകളായി തിരിച്ചിരിക്കുന്നു. 

അഖിൽ ഭാരതീയ അഖാഡ പരിഷത്ത്

 ABAP (IAST: Akhila bhāratīya ākhāḍā pariṣada; lit. 'All India Akhada Council'), ഭാരതത്തിലെ ഹിന്ദു സന്യാസികളുടെ (സന്യാസിമാർ), സാധുമാരുടെ (സന്യാസിമാർ) സംഘടനകളിലൊന്നാണ്.   എബിഎപി 14 അഖാഡകൾ അഥവാ ഹിന്ദു സന്യാസികളുടെയും സാധുക്കളുടെയും സംഘടനകളാണ്.  നിർമോഹി അഖാഡയും (അയോധ്യയിലെ രാമജന്മഭൂമി തർക്കത്തിൽ ഉൾപ്പെട്ടിട്ടുണ്ട്) ശ്രീ ദത്താത്രേയ അഖാഡയും അതിന്റെ ഭാഗമായ രണ്ട് അഖാഡകളാണ്.

 അഖിൽ ഭാരതീയ അഖാഡ പരിഷത്ത് ഹിന്ദു സമൂഹത്തിലെ അഖാഡ സമ്പ്രദായത്തെ അടിസ്ഥാനമാക്കിയുള്ളതാണ്.   ഹിന്ദു സംസ്കാരത്തിന്റെയും ഹിന്ദു തത്ത്വചിന്തയുടെയും രൂപത്തെ അടിസ്ഥാനമാക്കിയുള്ള അത്തരം 14 സംഘടനകളുണ്ട്.  മിക്ക അഖാഡകളും വൈഷ്ണവരും (വിഷ്ണുഭക്തർ), ശൈവരും (ശിവഭക്തർ) ആണ്.

 എട്ടാം നൂറ്റാണ്ടിന്റെ തുടക്കത്തിൽ തന്നെ പൂജനീയ ജഗത്ഗുരു: ശങ്കരാചാര്യർ ഏഴ് അഖാഡകൾ സ്ഥാപിച്ചതായി വിശ്വസിക്കപ്പെടുമ്പോൾ (10 എണ്ണം ദശനാമി എന്നും അറിയപ്പെടുന്നു): മഹാനിർവാണി, നിരഞ്ജനി, ജുന, അടൽ, അവഹൻ, അഗ്നി, ആനന്ദ് അഖാഡ എന്നിവ എട്ടാം നൂറ്റാണ്ടിന്റെ ആരംഭത്തിലാണ്.   547 ൽ അബാന സ്ഥാപിച്ചതാണ് അഖാഡയുടെ ആദ്യകാല സ്ഥാപനം.  ഇന്ത്യയിലെ മുസ്ലീം ഭരണകാലത്തും പിന്നീട് ബ്രിട്ടീഷ് ഭരണകാലത്തും അഖാഡകൾ ഒത്തുചേർന്ന് സംഘടിച്ചു, പ്രത്യേകിച്ച് കുംഭമേളയിൽ ഹിന്ദു ധർമ്മവും സംസ്കാരവും സംരക്ഷിക്കുന്നതിനായി പ്രവർത്തിച്ചു.  1565 -ൽ മധുസൂദന സരസ്വതി അക്രമങ്ങളെ ചെറുക്കാനും ഹിന്ദുക്കളെ സംരക്ഷിക്കാനുമുള്ള സായുധ സൈനിക ശക്തിയായി അഖാഡകൾ തയ്യാറാക്കാൻ തുടങ്ങി. 

 2019 ജനുവരി വരെ 13 അംഗീകൃത അഖാഡകളേ ഉണ്ടായിരുന്നുള്ളൂ.  കേരളത്തിൽ രജിസ്റ്റർ ചെയ്യപ്പെട്ട ആദിശങ്കര അദ്വൈത അഖാഡയും ഇപ്പോൾ അഖാഡ പരിഷത്തിൻ്റെ ഭാഗമാണ്.  ജൂനാ അഖാഡയാണ് ഏറ്റവും വലുത്.   ഇതിൽ ഏഴ് അഖാഡകൾ സ്ഥാപിച്ചത് ശങ്കരാചാര്യരാണ്.  3 തരം അഖാഡകളുണ്ട്;  നിർവാണി അനി അഖാഡ, ദിഗംബർ അനി അഖാഡ, നിർമ്മൽ അനി അഖാഡ.

 സാധു സന്യാസിമാർക്കും നാഗ സാധുക്കൾക്കും ഏറ്റവും കൂടുതൽ അഖാഡകളുണ്ട്.  ഏഴ് നിർവാണി അനി അഖാഢകൾ ഉണ്ട്:

ശ്രീ പഞ്ചദശി ആവാഹൻ അഖാഡ (വാരാണസി): ഇത് ഏറ്റവും പഴയ സന്യാസ ക്രമമാണ്. അഖാഡകളിൽ ഏറ്റവും പുരാതനമായതും ആദ്യത്തേതുമായ അഖാഡയാണ് ഇത്. ഈ അഖാഡയിൽ നിന്നും വിവിധ മാർഗ്ഗങ്ങളായി രൂപപ്പെട്ടതാണ് മറ്റുള്ള എല്ലാ അഖാഡകളും. പഞ്ചദശി അഖാഡ ദത്താത്രേയനെ ആരാധിക്കുന്നു. 2023 ൽ ഈ അഖാഡയിലെ മഹന്ത്മാരായ മലയാളികളായ ഇരട്ട സഹോദരങ്ങൾ പൂജനീയ സ്വാമി സുന്ദർഗിരി മഹാരാജ്, സുദർശൻ ഗിരി മഹാരാജ് എന്നിവർ കേരളത്തിലെ സന്യാസിമാരേക്കുറിച്ചും, ആശ്രമങ്ങളേക്കുറിച്ചും റിപ്പോർട്ട് തയ്യാറാക്കാൻ കേരളത്തിൽ വരികയും 8 മാസത്തിലധികം പെരിയമ്പലം കൃഷ്ണാനന്ദ സിദ്ധ വേദ ആശ്രമത്തിൽ താമസിക്കുകയും ചെയ്തിരുന്നു. അവർ നൽകിയ റിപ്പോർട്ടിൻ്റെ അടിസ്ഥാനത്തിലാണ് നിഷ്ഠയും, പ്രവർത്തനങ്ങളും വിലയിരുത്തി സ്വാമി പ്രഭാകരാനന്ദ സരസ്വതി മഹാരാജിനെ ദക്ഷിണ ഭാരതത്തിലെ ആദ്യത്തെ മഹാമണ്ഡലേശ്വറായി പ്രഖ്യാപിച്ചത്. വലിയ പരസ്യപ്രചരണങ്ങൾക്ക്  താത്പര്യമില്ലാതിരുന്നതിനാൽ ഇതൊന്നും സമൂഹം അറിഞ്ഞിരുന്നില്ല.

 തപോനിധി ശ്രീ ആനന്ദ പഞ്ചദശനാമി അഖാഡ (നാസിക്): ഇത് രണ്ടാമത്തെ ഏറ്റവും പഴയ അഖാഡയാണ്.  ദേവ് ഭുവൻ ഭാസ്കർ സൂര്യനാരായണനാണ് ഈ അഖാഡയുടെ പ്രതിഷ്ഠ.

ശ്രീ പഞ്ചദശനാമ ജുനാ അഖാഡ (വാരാണസി): 13 അഖാഡകളിൽ മൂന്നാമത്തേതും അംഗബലത്തിലും, ധനബലത്തിലും ഏറ്റവും വലുതാണ് ഇത്.  ആദി ശങ്കരാചാര്യർ സ്ഥാപിച്ച ശൈവമതത്തിന്റെ ദശനാമി സമ്പ്രദായമാണ് ജുന അഖാഡ പിന്തുടരുന്നത്.  അവർ ഭഗവാൻ ദത്താത്രേയനെ ആരാധിക്കുന്നു.   കിന്നാർ അഖാഡയും (ട്രാൻസ്ജെൻഡർ അഖാഡ) ജുന അഖാഡയുടെ കീഴിലാണ്. 

 ശ്രീ പഞ്ചയതി നിർവാണി അഖാഡ (പ്രയാഗ്രാജ്): ഇത് രണ്ടാമത്തെ വലിയ അഖാഡയാണ്.  എ ഡി 904 ൽ ഗുജറാത്തിലാണ് ഇത് സ്ഥാപിതമായത്.  നിരഞ്ജനി അഖാഡ കാർത്തികേയനെ ആരാധിക്കുന്നു.  നിരഞ്ജനി അഖാഡയിൽ ഡോക്ടറേറ്റും ബിരുദാനന്തര ബിരുദവുമുള്ള ധാരാളം വിദ്യാസമ്പന്നർ ഉൾപ്പെടുന്നു. 

 ശ്രീ പഞ്ച അടൽ അഖഡ (വാരാണസി): ഇത് ഏറ്റവും പഴയ മൂന്ന് അഖാഡകളിൽ ഒന്നാണ്.  അവർ ഗണേശനെയും ഭൈർവ പ്രകാശ് ഭാലയുടെയും സൂര്യ പ്രകാശ് ഭലയുടെയും വിശുദ്ധ ചിഹ്നങ്ങളെയും ആരാധിക്കുന്നു. 

 

 ശ്രീ പഞ്ചദശനാമി മഹാനിരഞ്ജനി അഖാഡ (പ്രയാഗ് രാജ്): അഖാഡയുടെ പ്രതിഷ്ഠ കപിലമുനി മുനിയാണ്, അവർക്ക് ഭൈരവ പ്രകാശ് ഭാല, സൂര്യ പ്രകാശ് ഭാല തുടങ്ങിയ വിശുദ്ധ ചിഹ്നങ്ങളുണ്ട്. 

 ശ്രീ പഞ്ചദശനാമി പഞ്ചാഗ്നി അഖാഡ/ശ്രീ ശംഭു പഞ്ചാഗ്നി അഖാഡ (ജുനഗർ): 

അവർ ബ്രഹ്മചാരി സന്യാസിമാരാണ്.  അവർ ധൂനി (അഗ്നി യാഗം) ചെയ്യാത്തതിനാൽ മറ്റ് ശൈവ അഖാഡകളിൽ നിന്ന് വ്യത്യസ്തരാണ്, കൂടാതെ അവർ ലഹരി ഉപയോഗിക്കാതിരിക്കുകയും ജനാവു അല്ലെങ്കിൽ പവിത്രമായ നൂൽ ധരിക്കാതിരിക്കുകയും ചെയ്യുന്നു.

 ദിഗംബർ അനി അഖാഡ.

 ബൈരാഗി അഖാഡാസ് എന്നും ഇത് അറിയപ്പെടുന്നു.  അവർ വൈഷ്ണവരാണ് (മഹാവിഷ്ണുവിന്റെ അനുയായികൾ).  അതിൽ മൂന്ന് അഖാഡകൾ അടങ്ങിയിരിക്കുന്നു,

 ശ്രീ നിർമോഹി അഖാഡ (മഥുര): 

18 വൈഷ്ണവ ഗ്രൂപ്പുകളെ സംയോജിപ്പിച്ചാണ് ഇത് വൃന്ദാവനത്തിൽ രൂപീകരിച്ചത്.  അവർ ഹനുമാനെ ആരാധിക്കുന്നു

 ശ്രീ ദിഗംബർ  അഖാഡ (സബർകണ്ഠ)

 ശ്രീ നിർവാണി അഖാഡ (അയോധ്യ)

 നിർമ്മൽ അഖാഡ 

 ഇതിന് മൂന്ന് അഖാഡകളുണ്ട്, അവ ഉദാസിൻ എന്നാണ് അറിയപ്പെടുന്നത്.  

 ശ്രീ പഞ്ച ബഡ ഉദാസിൻ അഖാഡ (പ്രയാഗ്രാജ്): ഗുരു നാനാക്കിന്റെ മൂത്ത പുത്രനായ ശ്രീ ചന്ദിന്റെ നിയമങ്ങളെ അവർ പിന്തുടരുന്നു.

 ശ്രീ പഞ്ച ഉദാസിൻ അഖാഡ (ഹരിദ്വാർ): 

ശ്രീ പഞ്ച ബാഡ ഉദാസിൻ അഖാഡയുമായുള്ള തർക്കത്തെ തുടർന്ന് 1846 ൽ മഹന്ത് സുധീർ ദാസാണ് ഇത് രൂപീകരിച്ചത്.

 ശ്രീ പഞ്ച നിർമ്മൽ അഖാഡ (ഹരിദ്വാർ): അവർ നിർമ്മൽ സമ്പ്രദായത്തെ പിന്തുടരുന്നു. 1856 ൽ പഞ്ചാബിൽ ദുർഗാ സിംഗ് മഹാരാജാണ് ഇത് സ്ഥാപിച്ചത്.  സിഖ് മതവുമായി ഇതിന് അടുത്ത ബന്ധമുണ്ട്.

ഭാരതത്തിൽ ജൈന, ബുദ്ധ, മുസ്ലീം വിഭാഗങ്ങൾ നിലവിൽ വന്നപ്പോൾ ഹിന്ദു ധർമ്മം ഭീഷണിയിലായി.  അതിനാൽ, അറിവ് പകർത്തുക എന്ന ദൗത്യത്തിനു പുറമേ, വിദേശ ആക്രമണങ്ങളെ ചെറുക്കുന്നതിന് സന്ന്യാസിമാർ സ്വയം സംരക്ഷണത്തിനും സമൂഹത്തെ രക്ഷിക്കുന്നതിനും ആയുധങ്ങൾ ഉപയോഗിച്ചുള്ള പരിശീലനത്തിന് തയ്യാറായി.

വടക്കൻ ഭാരതം മുതൽ ഗോദാവരി നദി വരെയുള്ള എല്ലാ വിഭാഗങ്ങളുടെയും സന്ന്യാസിമാർ 14 സംഘങ്ങളായി തിരിച്ചിരിക്കുന്നു. ഇത് 14 അഖാഡകൾ ആയി അറിയപ്പെടുന്നു.

ശൈവ (ദശനാമി) അഖാഡകൾ ഏഴായി തിരിച്ചിരിക്കുന്നു.

1.അവഹാൻ 

2. മഹാ നിർവാണി

3.ജുന(ഭൈരവ്)

4. നിരഞ്ജനി

5. ആനന്ദ് 

6. അടൽ

7. അഗ്നി  

ആദി ശങ്കരാചാര്യ സ്വാമികൾ സന്യാസ സമ്പ്രദായങ്ങളെ  10 വിഭാഗങ്ങളായി തിരിച്ചിരിക്കുന്നു.

1. ഗിരി

2. പുരി

3. ഭാരതി

4. തീർത്ഥ

5. വന

6. ആരണ്യ

7. പർവത്

8. ആശ്രമ

9. സാഗർ

10. സരസ്വതി

എന്നിവയാണവ...

വൈഷ്ണവ അഖാഢകൾ പ്രധാനമായും 3 ആയി തിരിച്ചിരിക്കുന്നു.

1. ദിഗംബർ

2. നിർമോഹി

3. നിർവാണി

ഇതിന് 18 ഉപ-അഖാഢകളും ഖൽസകളും ഉണ്ട്.

ഇവ കൂടാതെ

നിരാലമ്പി, സന്തോഷി, മഹാനിർവാണി, ഖാക്കി, നിർമ്മൽ, ആദി ശങ്കര അദ്വൈത തുടങ്ങി അനേകം അഖാഡകളുണ്ട്

എന്താണ് അഖാഡകൾ ?

എങ്ങനെയാണ് അഖാഡകൾ സൃഷ്ടിക്കപ്പെട്ടത് ?

സന്യാസിമാർ അക്രമകാരികൾ ആണോ ?

ആരാണ് നാഗസന്യാസിമാർ ?

നാഗ സന്യാസിമാരുടെ രീതികൾ എന്തൊക്കെയാണ് ?

ഇങ്ങനെയുള്ള കുറേ ചോദ്യങ്ങൾ ഹൈന്ദവരുടെ ഇടയിൽ തന്നെയുണ്ട്.

ജാതി വർണ്ണ വ്യവസ്തകളുടെ യഥാർത്ഥ തത്വം മനസ്സിലാക്കാതെ അത് തൊട്ടുകൂടായ്മയുടെയും സവർണ്ണ മേധാവിത്വത്തിന് വഴിവക്കുകയും ചെയ്തപ്പോൾ ഭിന്നിച്ചു പോയ ഹിന്ദുക്കളെ ചൂഷണം ചെയ്ത് വൈദേശിക ശക്തികൾ ഭാരതത്തിൽ കടന്നു കയറി. ആ കാലഘട്ടങ്ങളിൽ ഹിന്ദു രാഷ്ട്ര ശക്തികൾ ദുർബലമായതോടെ  ഇസ്ലാമിക ആക്രമണകാരികൾ പലരാജ്യങ്ങളും ആക്രമിക്കുകയും

പിടിച്ചെടുക്കുകയും

ഹിന്ദുക്കളായവർക്കെതിരെ

പലതരത്തിലുള്ള അക്രമണങ്ങൾ ആരംഭിക്കുകയും ചെയ്തു

ആ സമയത്ത് സഹികെട്ട് ഭാരതത്തിലെ  സന്ന്യാസിമാരും അനുയായികളും ധർമ്മത്തെ സംരക്ഷിക്കാൻ മുന്നോട്ട് വന്നു. 

നാഗ വിഭാഗവും ദശനാമി നവോത്ഥാനികളും ഒത്തുചേർന്ന് ശക്തിയുടെ പ്രതീകമായ ത്രിശൂലത്തെ  ആയുധമായി അക്രമത്തെ പ്രതിരോധിക്കാൻ തീരുമാനിച്ചു അവർ ഉയർന്ന ആധ്യാത്മിക സാധനങ്ങൾക്കും

ഗ്രന്ഥപരിചയങ്ങൾക്കുമൊപ്പം

ജിംനാസ്റ്റിക്സിലും വാളുകൾ പോലുള്ള വിവിധ ആയുധങ്ങൾ ഉപയോഗിച്ചും പരിശീലനം നൽകാൻ അവർ തുടങ്ങി. 

അസ്ത്രധാരികൾ എന്നും ശാസ്ത്ര ധാരികൾ എന്നും രണ്ട് വിഭാഗത്തെ സൃഷ്ടിച്ചു

സന്യാസി സമൂഹത്തെയും ഹൈന്ദവ ധർമ്മത്തെയും രക്ഷിക്കാനുള്ള ഉത്തരവാദിത്വം ദശനാമി സമ്പ്രദായത്തിലെ പെട്ട സന്യാസിമാരും നാഗസന്യാസി മാരും ഏറ്റെടുത്തു അതി കഠിനമായ പരിശീലനത്തിലൂടെ ആയോധനകലയിലും യുദ്ധ തന്ത്രങ്ങളിലും നാഗസന്യാസിമാർ അതീവ പ്രാവീണ്യം നേടി

1666 ൽ ഹരിദ്വാറിലെ കുംഭമേളയിൽ സന്ന്യാസിമാരെയും ഭക്തരെയും ഔറംഗസീബ് ആക്രമിച്ചു.  ആക്രമണത്തിന് സന്യാസിമാർ മറുപടി നൽകി. 

മുഗൾ സൈന്യത്തിനെതിരെ സന്യാസിമാർ സംഘടിക്കുകയും അവരെ നേരിടുകയും ചെയ്തു തൽഫലമായി മുഗൾ സൈന്യം പരാജയപ്പെട്ടു.

1748 ൽ അഹ്മദ്ഷാ അബ്ദാലിയുടെ ആക്രമണവും 1757 ൽ മഥുരക്കെതിരെയും ആക്രമണമുണ്ടായി

1751 മുതൽ 1753 വരെ നാഗ സന്യാസി രാജേന്ദ്രഗിരിയുടെ നേതൃത്വത്തിൽ  32 ഗ്രാമങ്ങളിൽ നിന്ന് മുഗൾ ഭരണം ഇല്ലാതാക്കി, ഈ പ്രദേശങ്ങളിൽ സ്വാതന്ത്ര്യത്തിന്റെ ആധിപത്യം ഉയർത്തി. 

1751-ൽ ഫറൂഖാബാദിലെ ബംഗാഷ് അഫ്ഗാൻ തലവൻ അഹമ്മദ് ഖാൻ പ്രയാഗിൽ അക്രമവും കൊള്ളയും നടത്തി നാലായിരത്തോളം ഉയർന്ന ജാതിക്കാരായ സ്ത്രീകളെ തട്ടിക്കൊണ്ടുപോയി.  അക്കാലത്ത് കുംഭമേളക്കുവേണ്ടി ത്രിവേണി സംഘത്തിൽ തടിച്ചുകൂടിയ ആറായിരം നാഗ സന്യാസിമാർ ഐക്യപ്പെടുകയും  അഫ്ഗാൻ തലവന്റെ സൈന്യത്തെ ആക്രമിക്കുകയും ചെയ്തു.  തട്ടിക്കൊണ്ടുപോയ സ്ത്രീകളെ സന്ന്യാസിമാർ മോചിപ്പിക്കുകയും  ചെയ്തു.

1855-ൽ ഹരിദ്വാറിലെ കുംഭമേളയിൽ ഓമാന്ദ്‌ജി (സ്വാമി  ദയാനന്ദ് സരസ്വതിയുടെ ഗുരു, ആര്യ സമാജത്തിന്റെ സ്ഥാപകൻ), അദ്ദേഹത്തിന്റെ ഗുരു പൂർണാനന്ദ്‌ജി എന്നിവർ 1857-ൽ ബ്രിട്ടീഷ് ഭരണാധികാരികൾക്കെതിരായ  സ്വാതന്ത്ര്യ യുദ്ധത്തിനായി ഒരു പദ്ധതി തയ്യാറാക്കി.  രാജ്യമെമ്പാടും ഒത്തുകൂടിയ സന്ന്യാസി മാധ്യമത്തിലൂടെ ആ പദ്ധതി ഭാരതത്തിലുടനീളം പ്രചരിപ്പിക്കുകയും ചെയ്തു. 

1858-ൽ പ്രയാഗിലെ കുംഭമേളയിൽ, നാനാസാഹേബ് ധുന്ധു-പന്ത്, ബാലസഹാഹെബ് പേഷ്വ, അജ്മുള്ള ഖാൻ, ജഗദിഷ്പൂരിലെ കുൻവർസിംഗ് രാജാവ്

എന്നിവർ ഒന്നുകൂടി

വൈദേശിക ശക്തിയെ ഭാരതത്തിൽ നിന്ന് ഉന്മൂലനം ചെയ്യുമെന്ന്

ദശാനാമി സന്യാസികളുടെ ക്യാമ്പിൽ  സത്യപ്രതിജ്ഞ ചെയ്തു. ഇതിൽ നൂറുകണക്കിന് സന്ന്യാസിമാരും വിശുദ്ധരും പങ്കെടുത്തു.

അങ്ങനെ നാഗസന്യാസിമാർ ആക്രമണകാരികൾക്കെതിരെ പലതവണ ആയുധങ്ങളുമായി യുദ്ധം ചെയ്തു, ധർമ്മ സംരക്ഷണത്തിൽ ഒരു പ്രധാന കടമ നിർവഹിച്ചു. 

പണ്ഡിതന്മാരാണെങ്കിലും, നിരായുധരും സമാധാനപ്രിയരുമായ ഹിന്ദു സമൂഹത്തിന് ശൈവ വൈഷ്ണവ അഖാഢകളിലെ സായുധ സന്ന്യാസിമാർ വലിയ ആശ്വാസം നൽകി. 

ഈ അഖാഡകൾ കാരണം ഇസ്‌ലാമിന്റെ ആക്രമണം സിന്ധിന്റെ അതിർത്തിയിൽ നിർത്താൻ കഴിഞ്ഞെന്നത് ചരിത്രപരമായ വസ്തുതയാണ്.

അഖാഡകളുടെ പ്രത്യേകതകൾ

അഖാഡകളുമായി ബന്ധപ്പെട്ട മിക്കവാറും എല്ലാ സന്ന്യാസിമാരും വിശുദ്ധ വേദ ആയുധങ്ങളിലും ഒരേ പോലെ വിദഗ്ധരാണ്.

അഖാഡയുടെ ആന്തരിക വശങ്ങൾ

ഒരു അഖാഡയുമായി ബന്ധപ്പെട്ട എല്ലാ സന്ന്യാസിമാരും കുംഭമേളയിലെ ഒരിടത്ത് താമസിക്കുന്നു, അവിടെ അവർ പരസ്പരം ചർച്ചകൾ നടത്തി ഭാവി കാര്യങ്ങൾ ആസൂത്രണം ചെയ്യുന്നു.

കുംഭമേളയിൽ അടൽ അഖാഡയുടെയും നിർവാണി അഖാഡയുടെയും സന്ന്യാസിമാർ ഒരുമിച്ച് നിൽക്കുന്നു, അതേസമയം ആനന്ദ് അഖാഡ, നിരഞ്ജനി അഖാഡ എന്നിവർ ഒരുമിച്ച് താമസിക്കുന്നു.

കഴിഞ്ഞ 12 വർഷക്കാലം

അഖാഡതയിൽ ആയോധന പരിശീലനം പൂർത്തിയാക്കിയവരുടെ പരിശീലനവും

അധികാര കൈമാറ്റവും

ഓരോരുത്തരും ആർജ്ജിച്ച ശക്തിയുടെ പ്രകടനവും അവരവരുടെ സിദ്ധി പ്രകടനവും

കാണിക്കുന്നത് ഈ സഭയിലാണ്

ധാരാളം പരീക്ഷണങ്ങളും ചർച്ചകളും ഇവിടെ സാധാരണമാണ്.

ആത്മീയ കഴിവ്, മാനസിക ധൈര്യം എന്നിവ കണക്കിലെടുത്താണ് ഒരു അഖാഡയിലെ സന്യാസിയുടെ സ്ഥാനം തീരുമാനിക്കുന്നത്. 

കർശനമായ അച്ചടക്കം അഖാഡയിൽ നിരീക്ഷിക്കപ്പെടുന്നു.  ഉത്തരവുകൾ  അനുസരിക്കാത്ത സന്ന്യാസിമാർക്ക് കഠിനമായ ശാരീരിക ശിക്ഷ നൽകുന്നു.

ഓരോ അഖാഡയിലും മഹാമണ്ഡലേശ്വർ, സഭാപതി, പീഠാധീശ്വർ മണ്ഡലേശ്വർ, ശ്രീ മഹന്ത് , മഹന്ത് , സച്ചീവ് എന്നിവരുടെ ഒരു ശ്രേണി ഉണ്ട്.  വളരെ എളിയവരും ബുദ്ധിമാനും പരമഹംസയിലെത്തിയവർക്കും ബ്രഹ്മനിഷ്ഠ സന്ന്യാസിമാർക്കും ഈ സ്ഥാനപ്പേരുകൾ അവരുടെ കഴിവുകൾ അനുസരിച്ച് നൽകിയിട്ടുണ്ട്.

മണ്ഡലേശ്വർ, മഹാമണ്ഡലേശ്വർ, മഹന്ത് എന്നീ സ്ഥാനങ്ങൾ ലഭിക്കുന്നതിനും കുറേയേറെ നിബന്ധനകളും, ചിട്ടകളും പാലിക്കേണ്ടതുണ്ട്. 

ഒന്നുകിൽ നിലവിലുള്ള ഏതെങ്കിലും ഒരു അഖാഡയിൽ ദീക്ഷ സ്വീകരിച്ച് അംഗമായി ചേർന്ന് 12 വർഷം അവിടെ വ്രതനിഷ്ഠയോടെ സേവ ചെയ്ത് കഠിന പരിശീലനങ്ങളും വേദപഠനങ്ങളും കഴിയണം. അങ്ങിനെയുള്ളവരെ കുംഭമേളകളിൽ വച്ച് മണ്ഡലേശ്വർ, മഹാമണ്ഡലേശ്വർ എന്നിവരായി പ്രഖ്യാപിക്കും. ഇതേ രീതിയിൽ കേരളത്തിനു ലഭിച്ച ശക്തനായ മഹാമണ്ഡലേശ്വറാണ് സംപൂജ്യ സ്വാമി ആനന്ദവനം ഭാരതി മഹാരാജ്. 

 മറ്റൊരു രീതിയിലും മഹാ മണ്ഡലേശ്വർ ആകാം. 

 യഥാവിധി പ്രകാരം സന്യാസദീക്ഷ സ്വീകരിച്ച് നിശ്ചിത കാലം (18 വർഷമെങ്കിലും) സന്യാസവയസ് ഉള്ളവരും, അംഗീകൃത വേദഗുരുകുലങ്ങളിൽ നിന്ന്  108 ഉപനിഷത്തുക്കളും (ദശോ പനിഷത്തുക്കൾ എങ്കിലും), പഞ്ച വേദങ്ങളിൽ നിലവിൽ ലഭ്യമായ നാല് വേദങ്ങളും, ശിവപുരാണം, സ്കന്ദപുരാണം ദേവീ ഭാഗവതം, ഭഗവത് ഗീത തുടങ്ങിയ വേദ പുരാണ ഉപനിഷത്തുക്കളിൽ പാണ്ഡിത്യം നേടിയവർക്ക് 41 ശിഷ്യർ ഉണ്ടെങ്കിൽ മണ്ഡലേശ്വർ എന്നും 123 സന്യാസ ശിഷ്യരും സ്വന്തമായി നിരവധി സന്യാസിമാർക്കും ഭക്തജനങ്ങൾക്കും അന്നദാനവും മറ്റും നടത്താൻ കഴിവും ഉള്ള സന്യാസിമാരെയാണ്  മഹാമണ്ഡലേശ്വർ, എന്നീ പദവിയിലേക്ക് തിരഞ്ഞെടുക്കപ്പെടുന്നത്. (41ആണല്ലോ ഒരു മണ്ഡലം. 41 സന്യാസശിഷ്യർ ഉള്ള ഗുരുവിന് മണ്ഡലേശ്വർ ആകാം. മൂന്ന് 41 കൂടിയ 123 ശിഷ്യർ ഉണ്ടെങ്കിൽ മഹാ മണ്ഡലേശ്വർ ആകാം.  അഖാഡ പരിഷത്തിൻ്റെ പണ്ഡിതരുടെ 

വേദശാസ്ത്ര പരമായ നിശ്ചിത ചോദ്യങ്ങൾക്ക് കൃത്യമായ ഉത്തരങ്ങൾ നൽകണം മണ്ഡലേശ്വർ ആകാനുള്ള സന്യാസി. മാത്രമല്ല, ഏത് സംസ്ഥാനത്തെയാണോ മണ്ഡലേശ്വരായി പ്രതിനിധീകരിക്കുന്നത് ആ സംസ്ഥാനത്തെ പ്രധാന ആശ്രമങ്ങൾ, മഠങ്ങൾ എന്നിവയിലെ മഠാധിപതിമാർ നൽകുന്ന സ്വഭാവ സർട്ടിഫിക്കറ്റും ആവശ്യമാണ്. (നിർബന്ധമില്ല.) ഇങ്ങനെ നിഷ്ഠകൊണ്ടും പഠനങ്ങൾ കൊണ്ടും പ്രവർത്തനം കൊണ്ടും ദക്ഷിണഭാരതത്തിന് ആദ്യമായി ലഭിച്ച മഹാമണ്ഡലേശ്വർ ആണ് സംപൂജ്യ സ്വാമി പ്രഭാരകാരാനന്ദ സരസ്വതി മഹാരാജ്.  

 അഖാഡകളിലെ 

സ്ഥാനങ്ങളിലേക്കുള്ള തിരഞ്ഞെടുപ്പുകളിലോ, പ്രഖ്യാപനങ്ങളിലോ ഗൃഹസ്ഥർക്കോ, മറ്റ് അഖാഡ ഇതര സന്യാസ സംഘടനകൾക്കോ, രാഷ്ട്രീയ മത പ്രസ്ഥാനങ്ങൾക്കോ ഒരു ബന്ധവും ഉണ്ടായിരിക്കുകയില്ല. എന്നാൽ ഹൈന്ദവ സമൂഹത്തിന് വേണ്ടി ധർമ്മസേവ ചെയ്യുന്ന എല്ലാ ധർമ്മ പ്രസ്ഥാനങ്ങളുമായും സഹകരിക്കുകയും ചെയ്യുന്നു. ലഘു പുഷ്കർ ലഘു കുംഭമേള, ആരതി,'യതിസംഗമം തുടങ്ങിയവ സംഘടിപ്പിക്കുന്നത് അഖാഡകൾ സ്വന്ത തീരുമാനപ്രകാരമാണ്. അഖാഡകളുടെ പരിപാടികളിൽ ഗൃഹസ്ഥർ നിയന്ത്രിക്കുന്ന സംഘടനകൾക്കോ ധർമ്മ പ്രസ്ഥാനങ്ങൾക്കോ രാഷ്ട്രീയ സംഘടനകൾക്കോ പിന്തുണയും സഹകരണവും നൽകാം. അതിനു വേണ്ടി അഖാഡയുടെ നേതൃത്വത്തിൽ നിബന്ധനകൾക്ക് വിധേയമായി ഉപ സഹായ സമിതികൾ രൂപീകരിക്കാം  എന്നതിൽ കവിഞ്ഞ് യാതൊരുവിധ സ്ഥാനമാനങ്ങളും ഉത്തരവാദിത്തങ്ങളും നൽകുന്നില്ല. മഹാമണ്ഡലേശ്വർമാരെ നിയന്ത്രിക്കാനും നയിക്കാനും ഒരു സംഘടനകൾക്കും അധികാരമില്ല എന്നു മാത്രമല്ല, ഓരോ സംസ്ഥാനത്തും ഹിന്ദു സമൂഹത്തിലും സന്യാസിമാർക്കിടയിലും മഹാമണ്ഡലേശ്വർ ഏറ്റവും ഉയർന്ന സ്ഥാനം വഹിക്കുന്ന വ്യക്തിത്വമാണ്.

ദക്ഷിണ ഭാരതത്തിലെ സന്യാസ മഠങ്ങളേയും, ആശ്രമങ്ങളേയും, പീഠങ്ങളേയും, വിവിധ സമുദായങ്ങളിലെ ആചാര്യ ഗുരുകുലങ്ങളേയും ആത്മീയവും, രാഷ്ട്രസ്നേഹവും, അതാത് കുലാചാരധർമ്മ സേവയും ആചരിക്കുന്നവരാക്കുക എന്ന ലക്ഷ്യത്തോടെ 2004 രജിസ്റ്റർ ചെയ്ത സംസ്ഥാന സന്യാസി സഭയുടെയും അഖിൽ ഭാരത് സന്ത് സമിതിയുടേയും പിന്തുണയോടെ കേരള സംസ്ഥാനത്തിൽ പാലക്കാട് ജില്ലയിൽ കോട്ടായി സബ്ബ് രജിസ്ട്രാർ ഓഫീസിൽ 05 ജൂലൈ 2021 ൽ 10/IV/2021 ആയി രജിസ്റ്റർ ചെയ്യപ്പെട്ടതാണ് ആദിശങ്കര അദ്വൈത അഖാഡ. ഈ അഖാഡയുടെ വിവിധ പ്രവർത്തന ലക്ഷ്യങ്ങളിൽ പ്രധാനമായ ഒന്നാണ് ഓരോ കുലങ്ങൾക്കും ഓരോ കുല ആചാര്യന്മാരെ സന്യാസിമാരിൽ നിന്നും നൽകി ആ കുലത്തിൻ്റെ ധർമ്മ ആചരണം പ്രചരിപ്പിക്കുക, അതിലൂടെ ഓരോ കുലത്തേയും മതപരിവർത്തനം നിരീശ്വരവാദം, മയക്കുമരുന്ന്ലഹരി എന്നിവയിൽ നിന്ന് മോചിപ്പിക്കുക എന്നത്. 

എല്ലാ കുലങ്ങളുടേയും ഗുരുസ്ഥാനീയരാണ് വിശ്വബ്രാഹ്മണർ എന്ന തിരിച്ചറിവിൽ ആദി ശങ്കര അദ്വൈത അഖാഡ സന്യാസ സമ്മേളനം നടത്തി ആദ്യം രൂപീകരിച്ചതാണ് വിശ്വബ്രഹ്മ ശങ്കരാചാര്യ പീഠം.  മറ്റ് കുലങ്ങളേയും സനാതന  സംസ്കാരത്തിൽ ചേർത്തു നിർത്തുന്നതിന് വിശ്വബ്രഹ്മ ശങ്കരാചാര്യ പീഠത്തിന് അതേ കുലത്തിൽ നിന്നും സന്യാസിയായ ഒരാളെ പീഠാധീശ്വർ ആയി തിരഞ്ഞെടുത്തു. പിന്നീട് സന്യാസി സഭയുടെ നിർദ്ദേശപ്രകാരം കേരളത്തിനു വേണ്ടി പ്രവർത്തിക്കാൻ പീഠാധീശ്വരെ ശങ്കരാചാര്യ പീഠാധീശ്വരായി പ്രഖ്യാപിച്ചു. അദ്ദേഹമാണ് സ്വാമി സാധു കൃഷ്ണാനന്ദ സരസ്വതി മഹാരാജ്. വിശ്വബ്രഹ്മ ശങ്കരാചാര്യ പീഠത്തിൻ്റെ അംഗങ്ങൾ സന്യാസിമാർ മാത്രമാണ്. പീഠത്തിൻ്റെ ആചാര്യ വിഭാഗമാണ് വിശ്വബ്രാഹ്മണ ആചാര്യസമിതി. പീഠത്തിൻ്റെ നിർദ്ദേശങ്ങൾ നടപ്പിലാക്കുക എന്ന ഉത്തരവാദിത്തമാണ് ആചാര്യസമിതിക്കുള്ളത്. കേരളത്തിൽ ഒഴികെ മറ്റെല്ലാ സംസ്ഥാനങ്ങളിലും വിശ്വകർമ്മ സന്യാസ മഠങ്ങളും ശങ്കരാചാര്യന്മാരും ഉണ്ടായിരുന്നു. ഇപ്പോഴും ഉണ്ട്.  ഇപ്പോഴാണ് 1200 വർഷങ്ങൾക്ക് ശേഷം (ശങ്കരാചാര്യർക്ക് ശേഷം) കേരളത്തിൽ വിശ്വകർമ്മ കുലത്തിൽനിന്ന് ഒരാൾ അവരോധിക്കപ്പെട്ടത്. ഓരോ കുലത്തിനും ഇതുപോലെ പീഠാധീശ്വരും, ശങ്കരാചാര്യരും, ആചാര്യസമിതിയും ഉണ്ടാകും. അവരെ

 അഭിഷേകം ചെയ്ത് സ്ഥാനാരോഹണം ചെയ്യാനുള്ള അധികാരം വിശ്വബ്രഹ്മ ശങ്കരാചാര്യ പീഠത്തിനും വിശ്വബ്രാഹ്മണ ആചാര്യ സമിതിക്കുമാണ്.

 ശൈവ പാരമ്പര്യമുള്ള സന്യാസി സമൂഹങ്ങളുടെയും കുലദേവതമാർക്കും സന്യാസിശ്രേഷ്ഠർക്കും രക്ഷകരായുള്ള നാഗസന്യാസിമാർ അപൂർവ കാഴ്ചയാണ്. സായുധരായ അഭ്യാസികളാണവർ. പേരിനു പോലും വസ്ത്രമില്ല. കുത്തി നിർത്തിയ ശൂലത്തിനു ചുറ്റും ഹോമകുണ്ഡം (ധുനി ) തീർത്ത് അതിന് ചുറ്റിലുമിരുന്ന്  ധ്യാനം ചെയ്യുന്നത് കാണാം

ഷാഹി സ്നാൻ നടക്കുന്ന പൗഷപൂർണിമ,  മൗനി അമാവാസ്യ, ബസന്ത് പഞ്ചമി ദിനങ്ങളിലാണ് കുംഭനഗരിയിലെ തിരക്ക് മൂർധന്യത്തിലെത്തുക. ത്രിവേണി സംഗമത്തിലേക്കുള്ള അതിഗംഭീരമായ ഘോഷയാത്രയിൽ കുലദേവതയ്ക്ക് പിന്നിലാണ് നാഗസന്യാസിമാർക്ക് സ്ഥാനം.

ഇവർക്ക് പിന്നിലാണ് ആശ്രമാധിപന്മാരുടെ രഥം. ഓരോ അഖാഡയുടെ സാമ്പത്തിക സ്ഥിതിക്കനുസരിച്ച് ഘോഷയാത്രയുടെ ഗാംഭീര്യവും മാറും.

സന്യാസത്തിൽ ശസ്ത്രവും അസ്ത്രവും ഒരുപോലെ വേണമെന്നതിനാലാണത്രെ ആചാര്യന്മാര്ക്കും മണ്ഡലേശ്വരന്മാർക്കും രക്ഷകരായി നാഗസന്യാസിമാർ എന്ന സായുധ ഗണത്തെ കൂടെ നിർത്തുന്നത്.

കുംഭമേളയില്ലാത്ത നാളുകളിൽ ഇവർ ആശ്രമങ്ങളുമായി ബന്ധപ്പെട്ടാണ് കഴിയുന്നത്.

സന്യാസിമാരിൽ നിന്ന് ഭിന്നമായി നാഗസന്യാസിമാർക്ക് പ്രത്യേക ഉപാസനാ മൂർത്തികളും ഉപാസനാ ക്രമങ്ങളുമാണുള്ളത്. 

ശ്രീ പഞ്ചദശനാമി ആവാഹൻ അഖാഡ, 

ശ്രീ പഞ്ചദശനാമ നിരഞ്ജിനി അഖാഡ,  

ശ്രീ പഞ്ചദശനാമ ജൂന അഖാഡ, 

ശ്രീ പഞ്ചദശനാമി മഹാനിർവ്വാണി,

 ശ്രീപഞ്ചദശനാമി അഗ്നി അഖാഡ,  

ശ്രീ പഞ്ചദശനാമി ആനന്ദ അഖാഡ, 

ശ്രീ പഞ്ചദശനാമി നിർമൽ അഖാഡ എന്നീ ഏഴ് അഖാഡകളുമായി ബന്ധപ്പെട്ടാണ് നാഗസന്യാസിമാരുടെ പ്രവർത്തനം. വിചിത്രമായ രീതികളും കഠിനമായ സാധനാ ക്രമങ്ങളുമാണ് നാഗസന്യാസിമാർക്കുള്ളത്. 

ഇത്രയേറെ മഹത്വമേറിയ സന്യാസി പരമ്പരയാണ് സനാതന ധർമ്മ സമ്പുഷ്ടമായ ഭാരതീയ സംസ്കാരത്തിന് സ്വന്തമായിട്ടുള്ളത്.

ഇന്നത്തെ കാലത്ത് ഇറച്ചിക്കടയിലെ തൊഴിലാളികൾ വരെ കാവിയണിഞ്ഞ് നടക്കുന്നു. കാവിയുടെയും സന്യാസിയുടെയും മഹത്വം തിരിച്ചറിയാത്ത ഹൈന്ദവ സമാജമാണ് കേരളത്തിലുള്ളതെന്ന് പറയാതിരിക്കാൻ വയ്യ.

പറഞ്ഞാൽ പരിഹാസചിരിയോടെ ആരോടെന്നതില്ലാതെ പറയും, സന്യാസിമാരുടെ കാല് പിടിക്കാൻ ഓരോ സന്യാസിമാരുടെ ജാഡയാണ് എന്ന്. എന്തായാലും സനാതന ധർമ്മ പരിപാലനത്തിന് നമ്മുടെ കേരളത്തിലും മഹാമണ്ഡലേശ്വറും, മണ്ഡലേശ്വറും ,മഹന്തും സച്ചീവും ഒക്കെ ആകാൻ യോഗ്യതയുള്ള ധർമ്മിഷ്ഠരായ നിരവധി  ഗുരുനാഥന്മാർ ഉണ്ട്.

മേൽ പറഞ്ഞ വിഷയങ്ങളിൽ സംശയം ഉള്ളവർക്ക് താഴെ നൽകിയിരിക്കുന്ന വിലാസത്തിലോ ഫോൺ നമ്പറിലോ അന്വേഷിക്കാവുന്നതാണ്.

 വിശ്വബ്രഹ്മ ശങ്കരാചാര്യ പീഠാധീശ്വർ ദണ്ഡിസ്വാമി 

സാധു കൃഷ്ണാനന്ദ സരസ്വതി മഹാരാജ്

സചീവ് (സെക്രട്ടറി)

ആദി ശങ്കര അദ്വൈത അഖാഡ

മഠാധിപതി.

കൃഷ്ണാനന്ദ സിദ്ധ വേദ ആശ്രമം

പെരിയമ്പലം

തൃശ്ശൂർ ജില്ല

കേരള

9061971227