ഭാഗീരഥൻ

പ്രയത്നം കൊണ്ട് ഒന്നും അസാദ്ധ്യമായി ഇല്ലെന്നും, കഠിനപരിശ്രമം ചെയ്താൽ എത്ര ദുഷ്കരമായ പ്രവൃത്തിയും സാധ്യമാക്കാമെന്നും നമ്മെ പഠിപ്പിക്കുന്ന സംഭവ പരമ്പരകളെ ചേർത്തിണക്കിയ മഹാകാവ്യമാണ് സാധുവിന്റെ കാഴ്ചയിൽ രാമായണം. സഹസ്ര വർഷങ്ങൾക്കിപ്പുറവും കഠിനപരിശ്രമം എന്നതിന്റെ പര്യായമായി നാം പറയുന്ന ഒരു പദമുണ്ട് ഭഗീരഥപ്രയത്നം. അതെ, വാത്മീകീ രാമായണത്തിലെ ആ ഭഗീരഥന്റെ കഥയാണിന്ന് സാധു ആത്മസന്ദേശത്തിലൂടെ സമർപ്പിക്കുന്നത്.  "ഭഗീരഥൻ" അയോദ്ധ്യയുടെ സിംഹാസനത്തിൽ അധികകാലം ഇരുന്നില്ല. അധികാരത്തെക്കാൾ ആത്മീയത ഇഷ്ടപ്പെട്ടിരുന്ന ഭഗീരഥന് യോഗികളുമായിട്ടായിരുന്നു സഹവാസം. വേദവും വേദാന്തവും പഠന വിധേയമാക്കി രാവേറെച്ചെല്ലുന്നതുവരെ അവർ ചർച്ചകൾ നടത്തും. ത്രിതലൻ എന്ന മഹായോഗിയുടെ ഉദ്ബോധനത്താൽ രാജ്യവും അധികാരവുമുപേക്ഷിച്ച് ഭഗീരഥൻ സന്യാസമാർഗ ത്തിലേക്കിറങ്ങി. ഭഗീരഥൻ രാജ്യം ഉപേക്ഷിച്ചത് ഏറെ വ്യത്യസ്തമായ രീതിയിലായിരുന്നു. തന്റെ സ്വകാര്യ സ്വത്തുക്കളത്രയും ദരിദ്രർക്കു ദാനം ചെയ്ത അദ്ദേഹം, കോസലരാജ്യം കീഴടക്കാൻ പലതവണ ശ്രമിച്ചു പരാജയപ്പെട്ട അയൽനാട്ടിലെ രാജാവിന് തന്റെ രാജ്യം ദാനം ചെയ്ത് മരവുരി ധരിച്ച് തീർഥാടനത്തിനിറങ്ങുകയായിരുന്നു. തന്നെ ആരും തിരിച്ചറിയാത്ത നാടുകളിലും പുണ്യതീർഥങ്ങളിലുമൊക്കെ ഭഗീരഥൻ വർഷങ്ങളോളം ചുറ്റിത്തിരിഞ്ഞു. തിരുലമഹർഷി പറഞ്ഞ ആത്യന്തികമായ ആത്മനിർവൃതി ഒന്നുമില്ലായ്മയിലാണ് ലഭിക്കുന്നത് എന്നദ്ദേഹം ആനന്ദത്തോടെ തിരിച്ചറിഞ്ഞു. യാത്രയ്ക്കിടയിൽ, വർഷങ്ങൾക്കുശേഷം ഒരിക്കൽ വീണ്ടും ഭഗീരഥൻ അയോദ്ധ്യയിലെത്തി. താടിയും മുടിയും നീട്ടിവളർത്തിയ ജടാവതലധാരിയായ അദ്ദേഹം മന്ത്രിമന്ദിരങ്ങളിലൊന്നിൽ ഭിക്ഷ യാചിച്ചു ചെന്നെത്തി. ഭിക്ഷാപാത്രം നീട്ടി മുന്നിൽ നിൽക്കുന്ന ആ താപസനെ മന്ത്രി തിരിച്ചറിഞ്ഞു. ആളുകൾ വിവരമറിഞ്ഞ് ചുറ്റും കൂടി. ഭഗീരഥൻ നാട്ടിലെത്തിയിരിക്കുന്നു എന്നറിഞ്ഞ രാജാവ് ദാനം കിട്ടിയ കിരീടവും ചെങ്കോലും അദ്ദേഹത്തിന്റെ പാദങ്ങളിൽ വച്ചു നമസ്കരിച്ച്, വീണ്ടും അധികാരമേൽക്കണമെന്ന് അഭ്യർഥിച്ചു എന്നാൽ അദ്ദേഹം അതിനു തയ്യാറായില്ല. കാലം ചില തീരുമാനങ്ങളെടുക്കും. ആര് എപ്പോൾ ഏതൊക്കെ വേഷങ്ങൾ കെട്ടണമെന്ന് കാലമാണ് തീരുമാനിക്കുന്നത്. ഭഗീരഥന് വീണ്ടും സിംഹാസനത്തിലിരിക്കാനായിരുന്നു വിധി. പക്ഷെ അയോദ്ധ്യയിലായിരുന്നില്ല അത്. ദേശാടനത്തിടെ ചെന്നെത്തിയ മറ്റൊരു നാട്ടിൽ, തികഞ്ഞ അരാജകത്വത്തിൽ നട്ടംതിരിയുന്ന ജനങ്ങൾ നല്ലൊരു ഭരണാധികാരിയെ തേടുകയായിരുന്നു. ഭഗീരഥന്റെ സാരോപദേശങ്ങൾ കേട്ട ജനങ്ങൾ സമാധാനത്തിന്റെ പാതയിലേക്കു നീങ്ങി. അതോടെ ഭഗീരഥൻ അവരുടെ ഗുരുവും നേതാവുമായി മാറി. അനന്തരാവകാശിയില്ലാതെ അനാഥമായ ആ നാടിന്റെ സിംഹാസനത്തിൽ ജനങ്ങൾ അദ്ദേഹത്തെ അവരോധിച്ചു. ഭഗീരഥൻ വീണ്ടും രാജാവായ വിവരം അയോദ്ധ്യാവാസികൾ അറിഞ്ഞു. രാജാവും മന്ത്രിമാരും പരിവാരങ്ങളോടെ അദ്ദേഹത്തെ കാണുവാനെത്തി. അവരുടെ നിരന്തര നിർബന്ധങ്ങൾക്കു മുന്നിൽ അദ്ദേഹത്തിന് തോൽവി സമ്മതിക്കേണ്ടിവന്നു. ഭഗീരഥൻ വീണ്ടും അയോദ്ധ്യയുടെ രാജാവായി. പഴയൊരു കടം വീട്ടാനുണ്ട്. തലമുറകളായി കൈമാറിക്കിട്ടിയ ബാദ്ധ്യത. സഗരപുത്രന്മാരായ അറുപതിനായിരം പൂർവികരുടെ ആത്മാക്കൾ മോക്ഷം കിട്ടാതെ അലയുന്നു. ആകാശ ഗംഗയെ ഭൂമിയിലെത്തിക്കാനെന്താണൊരു വഴി. ഭഗീരഥൻ ആലോചിച്ചു. ഗംഗാദേവിയെ തപസ്സുചെയ്യുക തന്നെ. വീണ്ടും ഭരണം മന്ത്രിമാരെ ഏല്പിച്ച് ഭഗീരഥൻ സമുദ്ര തീരത്തു പോയി ഗംഗാദേവിയെ തപസ്സുചെയ്യാൻ തുടങ്ങി. വർഷങ്ങൾ നീണ്ട കഠിന തപസ്സിനുശേഷം ഗംഗാദേവി പ്രത്യക്ഷയായി. ഭഗീരഥൻ ആവശ്യമറിയിച്ചു. അതിനാൽ ദേവി ഭൂമിയിലെത്തണം. പിതൃക്കൾക്ക് മോക്ഷം നൽകി അനുഗ്രഹിക്കണം. “അത്ര എളുപ്പമുള്ള കാര്യമല്ല.” ഗംഗാദേവി തുടർന്നു “ഞാൻ സുരലോക വാഹിനിയാണ്. എന്റെ പ്രവാഹം അതിശക്തമാണ്. അത് ഭൂമിയിൽ നേരിട്ടു പതിക്കുക എന്നത് അപകടകരമാണ്. ആ കരു ത്തിനെ തടഞ്ഞുനിറുത്താൻ ഭൂമീദേവിക്കാവില്ല. ഭഗീരഥൻ നിരാശനായി. “ഇതിനൊരു പരിഹാരവുമില്ലേ?” അദ്ദേഹം ചോദിച്ചു. പരിഹാരമില്ലാത്തതായി ഒന്നും ഈ പ്രപഞ്ചത്തിലില്ല. ഒരു വിലയുമ്പോൾ അടുത്തത് തുറക്കാൻ ശ്രമിക്കുക. പരാജയത്തിൽ തളരാതെ പരിശ്രമം തുടരുക. ഭഗവാൻ ശ്രീപരമേശ്വരൻ തന്റെ തിരു ജടയിൽ എന്നെ സ്വീകരിക്കുകയാണെങ്കിൽ ഞാൻ ഭൂമിയിലേക്കു പതിക്കാം. മറ്റാർക്കും എന്റെ പ്രവാഹത്തെ താങ്ങാനാവില്ല. നീ പര നെ കഴിക്കുക. എല്ലാം ഭംഗിയായി നടക്കും. ഭഗീരഥനെ അനുഗ്രഹിച്ചു. ഗംഗാദേവി മടങ്ങി. തളരാത്ത മനസ്സുമായി ഭഗീരഥൻ ശിവനെ തപസ്സു ചെയ്തു. വർഷങ്ങൾ നീണ്ട തപസ്സിനൊടുവിൽ പരമേശ്വരൻ പ്രത്യക്ഷനായി. നിന്റെ കഠിനപരിശ്രമത്തെ ഞാനഭിനന്ദിക്കുന്നു. നീ ആഗ്രഹി ക്കുന്നതു നടക്കും. ഗംഗാപ്രവാഹത്തെ ശിരസ്സിൽ സ്വീകരിക്കാൻ ഞാൻ ഒരുക്കമാണ്. ഭഗവാൻ സമ്മതമറിയിച്ചു. മനുഷ്യനായാലും ദൈവമായാലും ചില സമയത്തു തോന്നുന്ന വക്രബുദ്ധികൾ അവരെ വല്ലാത്ത പ്രതിസന്ധിയിലാക്കും. ഗംഗാ ദേവിയുടെ മനസ്സിലുണ്ടായ ഒരു ചെറു കുസൃതി ഒട്ടേറെ പ്രശ്നങ്ങൾക്ക് കാരണമായി. തന്റെ മുന്നിൽ ശിരസ്സു കുനിച്ചു നിൽക്കുന്ന സംഹാര മൂർത്തിയെ കണ്ടപ്പോൾ ഗംഗയ്ക്ക് തെല്ലൊരഹങ്കാരം തോന്നി. ലോകം ചുട്ടെമിക്കാൻ പോന്ന മഹാശക്തിമാൻ. മൂന്നാം തൃക്കണ്ണുള്ള മഹേശ്വരൻ. ഇതാ തന്റെ മുന്നിൽ വിനീത വിധേയനായി ശിരസ്സുതാഴ്ത്തി നിൽക്കുന്നു. ആ ശിരസ്സു തളർത്തിയിട്ടുതന്നെ കാര്യം. ഗംഗ അതി ശക്തമായ മഹാപ്രവാഹമായി താഴേക്കു പതിച്ചു. ശിവന് കാര്യം മനസ്സിലായി. ഇതിനു മറുമരുന്നു നൽകുക തന്നെ. പരമേശ്വരൻ ഗംഗാജലമത്രയും ശിരസ്സിലേയ്ക്കാവാഹിച്ചു. ഗംഗ പ്രവഹിച്ചുകൊ ണ്ടിരുന്നു. പക്ഷെ, ജലം ജടയിൽ നിന്ന് ഭൂമിയിൽ പതിക്കുന്നില്ല. ഗംഗയും ശിവനും തമ്മിലുള്ള ഈ മത്സരത്തിൽ ഭഗീരഥനായിരുന്നു വലഞ്ഞത്. അദ്ദേഹം വീണ്ടും ശിവനെ ഭജിച്ചു തുടങ്ങി. ഭഗീരഥന്റെ പ്രാർത്ഥന കേട്ടില്ലെന്നു നടിക്കാൻ ശ്രീപരമേശ്വരനു സാധിച്ചില്ല. അദ്ദേഹം ഗംഗയെ സ്വതന്ത്രയാക്കി. ഹിമാലയത്തിലെ ബിന്ദു സരസ്സിലേക്ക് ആകാശഗംഗ ഒഴുകിയിറങ്ങി. പിന്നെ എട്ടു ശാഖകളായി പടർന്നൊഴുകി. അതിലൊന്ന് ഭഗീരഥന്റെ അടുത്തേക്കു പാഞ്ഞു. ഭഗീരഥൻ പ്രാർഥനാനിരതനായി ഗംഗയെ നയിച്ചു നീങ്ങി. അവർ കപിലാശ്രമം ലക്ഷ്യമാക്കി യാത്ര തുടർന്നു. ഇടയ്ക്ക് ശക്തമായ ഒഴുക്കിൽ ജാഹ്നു എന്ന മഹർഷിയുടെ ആശ്രമം വെള്ളത്തിൽ മുങ്ങി. തപസ്സുചെയ്യുകയായിരുന്നു മഹർഷി. കോപാക്രാന്തനായ ജാഹ്നുമഹർഷി ഗംഗയെ സ്തംഭിപ്പിച്ചു. മഞ്ഞു കട്ടകളായി ഗംഗ തണുത്തുറഞ്ഞ് ഒഴുകാനാവാതെ കിടന്നു. ഭഗീരഥൻ മഹർഷിയുടെ കാൽക്കൽ വീണ് മാപ്പ് അപേക്ഷിച്ചു. താൻ ഇതുവരെ അനുഭവിച്ച ബുദ്ധിമുട്ടുകളും തന്റെ ലക്ഷ്യവുമെല്ലാം ഭഗീരഥൻ വിശദീകരിച്ചതോടെ മനസ്സലിഞ്ഞ മഹർഷി ഗംഗയ്ക്ക് വീണ്ടും യാത്രാനുമതി നൽകി. ജാവിന്റെ അനുഗ്രഹം നേടിയൊഴുകുന്നതിനാൽ ഗംഗാനദി ഇന്നും ജാഹ്നവി എന്നറിയപ്പെടുന്നു. ഭഗീരഥൻ, കഠിന പ്രയത്നങ്ങൾക്കൊടുവിൽ കപിലാശ്രമത്തി ലെത്തി. തന്റെ പൂർവികരുടെ ഭൗതികാവശിഷ്ടങ്ങൾ സുരഗംഗാ പ്രവാഹത്തിൽ ലയിപ്പിച്ച് കൃതാർഥനായി. ഇന്നും അസാദ്ധ്യമാണെന്നു നാം കരുതുന്ന പലതും തങ്ങളുടെ കഠിന പ്രയത്നത്താൽ സാധിക്കുന്ന പ്രതിഭാശാലികൾ "ഭഗീരഥ പ്രയത്നം" ചെയ്യുന്നവരാണെന്ന് നാം പറയുന്നത് മഹാനായ ഈ സൂര്യവംശ രാജാവിന്റെ ഓർമ്മയിലാണ്.  ഭഗീരഥന്റെ പേരിലാണ് ഭാഗീരഥി എന്ന ഖ്യാതിയോടെ ഗംഗ ഇന്നും ഒഴുകുന്നത്.

സ്വാമി സാധു കൃഷ്ണാനന്ദ സരസ്വതി

മഠാധിപതി

കൃഷ്ണാനന്ദ സിദ്ധ വേദ ആശ്രമം

പെരിയമ്പലം

തൃശ്ശൂർ ജില്ല

90 61 97 12 27

ആശ്രമേ സേവക്ക് സഹായിക്കാൻ മനസ്സുള്ളവർക്ക് പ്രതിമാസം 100 രൂപ വീതമോ കഴിവുപോലെയോ സഹായിക്കാവുന്നതാണ്.

Swami Sadhu krishnanandha Saraswathy       

SBl Pattambi branch       

A/c : 37707148920       

IFSC : SBIN0070186. 

Google Pay 9061971227